ផ្លូវនានាក្នុងក្រុងដាម៉ាសស្ទើរតែមិនបានបង្ហាញសញ្ញានៅថ្ងៃសៅរ៍នេះថា ការបោះឆ្នោតសភា ត្រូវបានរៀបចំធ្វើឡើង នៅថ្ងៃបន្ទាប់។

ពុំមានផ្ទាំងរូបភាពបេក្ខជន នៅតាមដងផ្លូវ និងទីលានធំៗ គ្មានការប្រមូលផ្តុំគ្នា ឬការជជែកដេញដោលជាសាធារណៈឡើយ។ នៅថ្ងៃដែលឈានទៅដល់ការបោះឆ្នោត អ្នកស្រុកមួយចំនួននៃរដ្ឋធានីស៊ីរី មិនដឹងថាការបោះឆ្នោតមានរយៈពេលប៉ុន្មានម៉ោងទេ ដែលជាលើកទី១ ចាប់តាំងពីក្រុមបះបោរឥស្លាម បានបណ្តេញ អតីតប្រធានាធិបតីលោក បាសា អាល់អាសាដ ( Bashar al-Assad នៅក្នុងការវាយលុកយ៉ាងឆាប់រហ័សមួយ កាលពីខែធ្នូ។

លោក Elias Al-Qudsi ម្ចាស់ហាងក្នុងទីក្រុងចាស់នៃទីក្រុងដាម៉ាស បាននិយាយ បន្ទាប់ពីត្រូវបានសួរសម្រាប់ទស្សនៈរបស់លោកអំពីការបោះឆ្នោតនាពេលខាងមុខថា៖« «ខ្ញុំមិនដឹងទេ ឥឡូវនេះដោយចៃដន្យ ខ្ញុំបានរកឃើញថា មានការបោះឆ្នោតសភាប្រជាជន»។ ប៉ុន្តែខ្ញុំមិនដឹងថាតើយើងត្រូវបោះឆ្នោត ឬអ្នកណាបោះឆ្នោតនោះទេ»។

សង្កាត់របស់លោក ដែលគេស្គាល់ថា ជាសង្កាត់ជ្វីហ្វ ទោះបីជាអតីតអ្នកស្រុកជ្វីហ្វស្ទើរតែទាំងអស់ បានចាកចេញក៏ដោយ គឺជាសង្កាត់មួយក្នុងចំណោមសង្កាត់មួយចំនួន ដែលមានខិត្តប័ណ្ណយុទ្ធនាការបិទនៅលើជញ្ជាំង នៅតាមដងផ្លូវតូចចង្អៀតៗ។  

ផ្ទាំងរូបភាពប្រកាសពីបេក្ខភាពរបស់លោក Henry Hamra ដែលជាអតីតអ្នកស្រុកជ្វីហ្វនៃសង្កាត់ដែលបានទៅរស់នៅសហរដ្ឋអាមេរិកជាមួយគ្រួសាររបស់លោក នៅពេលលោកនៅវ័យជំទង់ ហើយបានត្រឡប់មកលេងទីក្រុងដាម៉ាសជាលើកដំបូង បន្ទាប់ពីការដួលរលំរបស់លោក អាសាដ។ ការប្រកាសយុទ្ធនាការរបស់ Hamra បានធ្វើឲ្យមានការចាប់អារម្មណ៍នៅលើប្រព័ន្ធផ្សព្វផ្សាយសង្គម ប៉ុន្តែមិនបានធ្វើឲ្យមានការធ្វើឲ្យលោក Al-Qudsi ចាប់អារម្មណ៍ឡើយ៕