ទិន្នន័យពីការិយាល័យស្ថិតិជាតិ (NBS) បានបង្ហាញនៅថ្ងៃចន្ទ២០តុលានេះថា ផលិតផលក្នុងស្រុកសរុប (GDP) របស់ប្រទេសចិនបានកើនឡើង ៥,២ ភាគរយបើធៀបទៅនឹងឆ្នាំមុនក្នុងរយៈពេល៣ត្រីមាសដំបូងក្នុងឆ្នាំ ២០២៥នេះ។

យោងតាមទិន្នន័យពីការិយាល័យស្ថិតិជាតិខាងលើបានឱ្យដឹងថា នៅក្នុងត្រីមាសទីបីនៃផលិតផលក្នុងស្រុកសរុប GDP របស់ប្រទេសនេះ បានកើនឡើង ៤,៨ ភាគរយបើធៀបទៅនឹងឆ្នាំមុន។

ប្រភពដដែលបាននិយាយថា ទន្ទឹមនឹងនេះ ទិន្នផលឧស្សាហកម្មតម្លៃបន្ថែមរបស់ប្រទេសចិន បានកើនឡើង៦,៥ ភាគរយបើធៀបទៅនឹងឆ្នាំមុន នៅក្នុងខែកញ្ញាកន្លងទៅនេះ។

យោងតាមទិន្នន័យបញ្ចេញដោយការិយាល័យស្ថិតិជាតិ NBS កំណើននេះបានបង្កើនល្បឿនពីការកើនឡើង៥,២ភាគរយនៅក្នុងខែសីហា ។

ក្នុងរយៈពេលប្រាំបួនខែដំបូងនៃឆ្នាំនេះ ទិន្នផលឧស្សាហកម្មរបស់ប្រទេសចិនបានកើនឡើង ៥,២ ភាគរយបើធៀបនឹងរយៈពេលដូចគ្នាកាលពីឆ្នាំមុន។

ទិន្នផលឧស្សាហកម្មត្រូវបានប្រើដើម្បីវាស់ស្ទង់សកម្មភាពរបស់សហគ្រាសធំៗ ដែលនីមួយៗមានចំណូលអាជីវកម្មចម្បងប្រចាំឆ្នាំយ៉ាងហោចណាស់២០ លានយ័ន ប្រហែល ២,៨២ លានដុល្លារអាមេរិក៕