សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានអះអាងថា ព្រលានយន្តហោះចាស់ (ព្រលានយន្តហោះពោធិ៍ចិនតុង) មិនលក់ទៅណាទេ ដោយទុកនៅជាសម្បត្តិរបស់រដ្ឋដដែល ដើម្បីទុកបម្រុងសម្រាប់ការចុះចតយន្តហោះបន្ទាន់ ខណៈពេលព្រលានយន្តហោះថ្មីមានអាសន្ន និងមួយទៀតទុកបម្រុងសម្រាប់ធ្វើសួនសាធារណៈបម្រើដល់ប្រជាពលរដ្ឋ។

 ក្នុងឱកាសអញ្ជើញសម្ពោធដាក់ឲ្យប្រើប្រាស់ជាផ្លូវការ អាកាសយានដ្ឋានអន្តរជាតិតេជោ នាថ្ងៃទី២០ ខែតុលា ឆ្នាំ២០២៥នេះសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានផ្ដាំទៅបងប្អូនប្រជាពលរដ្ឋខ្មែរទាំងអស់ថា ព្រលានយន្តហោះចាស់ នឹងមិនលក់ទៅឲ្យវិស័យឯកជនដូចការលើកឡើងខុសពីការពិតរបស់ក្រុមអ្នកវិភាគអគតិមួយក្តាប់តូចនោះឡើយ។ ដោយសម្តេច បានអះអាងថា ដ៏រាបណាសម្តេចនៅធ្វើជានាយករដ្ឋមន្រ្តី ព្រលានយន្តហោះនេះ គឺនៅតែជាសម្បត្តិរបស់រដ្ឋ។ ដូច្នេះសូមបងប្អូន ប្រជាពលរដ្ឋខ្មែរទាំងអស់កុំមានការព្រួយបារម្ភឲ្យសោះ ចំពោះព្រលានយន្តហោះពោធិ៍ចិនតុងនេះ ដោយរាជរដ្ឋាភិបាលមិនលក់ទៅឯកជនគ្រប់គ្រងនោះឡើយ។

ក្នុងឱកាសនោះដែរសម្ដេចធិបតី ហ៊ុន ម៉ាណែត នាយករដ្ឋមន្រ្តី ក៏បានប្រកាសផងដែរថា រដ្ឋនឹងចំណាយថវិកាយ៉ាងហោចណាស់ ៣លានដុល្លារអាមេរិកក្នុងមួយឆ្នាំៗ សម្រាប់ថែរក្សា អនាម័យ និងការពារសន្តិសុខនៅព្រលានយន្តហោះចាស់នេះ៕ អត្ថបទបាន ចក់