មេដឹកនាំកំពូលរបស់អ៊ីរ៉ង់ លោក Ayatollah Ali Khamenei កាលពីថ្ងៃចន្ទដើមសប្ដាហ៍នេះ បានប្រាប់ប្រធានាធិបតីអាមេរិកលោក Donald Trump ឱ្យបន្តស្រមៃចុះ ប្រសិនបើគិតថា ការវាយប្រហារតាមអាកាសរបស់សហរដ្ឋអាមេរិកកាលពីខែមិថុនា បានបំផ្លាញរោងចក្រនុយក្លេអ៊ែរនានារបស់អ៊ីរ៉ង់នោះ។

លោក Khamenei ក៏បានច្រានចោលការផ្តល់ជូនរបស់លោក Trump ក្នុងការបន្តការចរចានុយក្លេអ៊ែរដែលត្រូវបានកាត់បន្ថយផងដែរ នៅពេលអ៊ីស្រាអែលវាយលុកសាធារណៈរដ្ឋអ៊ីស្លាមមួយនេះ កាលពីថ្ងៃទី ១៣ ខែមិថុនា ដែលនាំឱ្យមានសង្រ្គាមរយៈពេល ១២ ថ្ងៃក្នុងអំឡុងពេលលោក Trump បានបញ្ជាឱ្យមានការវាយប្រហារមិនធ្លាប់មានលើប្រទេសអ៊ីរ៉ង់។

លោក Khamenei បាននិយាយនៅក្នុងសេចក្តីអធិប្បាយដែលបានបង្ហោះនៅលើគេហទំព័ររបស់លោកថា ប្រធានាធិបតីអាមេរិក និយាយដោយមោទនភាពថា ពួកគេបានទម្លាក់គ្រាប់បែក និងបំផ្លាញឧស្សាហកម្មនុយក្លេអ៊ែររបស់អ៊ីរ៉ង់អស់ហើយ ។ លោកថា ល្អណាស់ សូមបន្តស្រមៃទៀតចុះ។ 

ក្នុងអំឡុងសុន្ទរកថា លោក Trump បានលើកឡើងម្តងទៀតនូវការអះអាងរបស់លោកដែលត្រូវបានជំទាស់ដោយចារកម្មអាមេរិកថា ការវាយប្រហាររបស់អាមេរិកបានបំផ្លាញរោងចក្រនុយក្លេអ៊ែរសំខាន់ៗរបស់អ៊ីរ៉ង់។ លោកក៏បាននិយាយផងដែរថា វាពិតជាល្អខ្លាំងណាស់ ប្រសិនបើទីក្រុងវ៉ាស៊ីនតោនអាចចរចាកិច្ចព្រមព្រៀងសន្តិភាព ជាមួយទីក្រុងតេអេរ៉ង់ បន្ទាប់ពីការចាប់ផ្តើមបទឈប់បាញ់នៅតំបន់ហ្កាហ្សា៕