ក្នុងអំឡុងពេលគ្រោះទឹកជំនន់កន្លងទៅ ចាប់ពីថ្ងៃទី១ ខែកញ្ញា ដល់ថ្ងៃទី២០ ខែតុលា ឆ្នាំ២០២៥ កាកបាទក្រហមកម្ពុជា ក្រោមម្លប់គង់ប្រថាប់ដ៏ឧត្តុង្គឧត្តមរបស់ សម្តេចព្រះមហាក្សត្រី ព្រះវររាជមាតាជាតិខ្មែរ ជាព្រះប្រធានកិត្តិយស និងក្រោមការដឹកនាំរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បានផ្តល់អំណោយមនុស្សធម៌ជូនគ្រួសាររងគ្រោះដោយទឹកជំនន់ និងជនងាយរងគ្រោះបំផុតបានចំនួន ៩.០៦១គ្រួសារ។

ប្រជាជនទទួលផលទាំង ៩.០៦១គ្រួសារ ក្នុងនោះមានប្រជាជនរងគ្រោះដោយទឹកជំនន់ សរុបចំនួន ៦.៤១៣គ្រួសារ ក្នុងខេត្តចំនួន៥រួមមាន៖ ខេត្តមណ្ឌលគិរី ចំនួន ៩៥០គ្រួសារ, ខេត្តរតនគិរី ចំនួន ១.១០០គ្រួសារ, ខេត្តស្ទឹងត្រែង ចំនួន ១.៥០០គ្រួសារ, ខេត្តត្បូងឃ្មុំ ចំនួន ១.៨០០គ្រួសារ និងខេត្តក្រចេះ ចំនួន ១.០៦៣គ្រួសារ។ ដោយឡែក ប្រជាជនងាយរងគ្រោះបំផុតសរុបចំនួន ២.៦៤៨គ្រួសារ នៅ៤ រាជធានី-ខេត្តរួមមាន៖ ខេត្តកំពង់ឆ្នាំង ចំនួន ៨៨៣គ្រួសារ, ចែកជូនលោកតាស៊ីក្លូ នៅភ្នំពេញ ចំនួន ៣៨៦នាក់, ខេត្តកំពង់ស្ពឺ ចំនួន ១.៣២៩គ្រួសារ និងខេត្តកោះកុង ចំនួន ៥០គ្រួសារ៕