លោកប្រធានាធិបតី Trump បានចេញការព្រមានដ៏ខ្លាំងក្លាមួយទៅកាន់លោក Vladimir Putin កាលពីថ្ងៃចន្ទដើមសប្ដាហ៍នេះ បន្ទាប់ពីរុស្ស៊ីបានអួតអំពីការសាកល្បងមីស៊ីលដើរដោយនុយក្លេអ៊ែរថ្មីថា មិនអាចយកឈ្នះបាននៃប្រទេសរបស់លោក។  

លោក Trump បានប្រាប់ក្រុមអ្នកយកព័ត៌មាននៅលើយន្តហោះ Air Force One កាលពីថ្ងៃចន្ទ ខណៈលោកធ្វើដំណើរទៅកាន់ប្រទេសជប៉ុនថា ពួកគេដឹងហើយថាពួកលោកមាននាវាមុជទឹកនុយក្លេអ៊ែរ ដែលជានាវាមុជទឹកដ៏អស្ចារ្យបំផុតនៅក្នុងពិភពលោក នៅក្បែរឆ្នេរសមុទ្ររបស់ពួកគេ។ 

លោកបាននិយាយបន្ទាប់ពីលោក Putin កាលពីថ្ងៃអាទិត្យបានសាទរលើការហោះហើរសាកល្បងរយៈចម្ងាយ៨.៧០០ ម៉ាយរយៈពេល ១៥ ម៉ោងសម្រាប់មីស៊ីលដើរដោយថាមពលនុយក្លេអ៊ែរមានតែមួយគត់ របស់រុស្ស៊ីដែលត្រូវបានគេហៅថា " flying Chernobyl" ដែលប្រទេសនេះ និយាយថាអាចវាយប្រហារគោលដៅនានានៅសហរដ្ឋអាមេរិក។     

យោងតាមសុន្ទរកថាដែលចេញផ្សាយដោយវិមានក្រឹមឡាំង កាលពីថ្ងៃអាទិត្យ ថ្លែងក្នុងសំលៀកបំពាក់យោធានៅកិច្ចប្រជុំជាមួយមេទ័ពដែលទទួលបន្ទុកលើសង្គ្រាមនៅអ៊ុយក្រែន លោក Putin បាននិយាយថា មីស៊ីលនេះជាវត្ថុតែមួយគត់ដែលគ្មាននរណាម្នាក់លើពិភពលោកមាននោះឡើយ ។

លោកបានបន្ថែមថា ពួកលោកត្រូវកំណត់ការប្រើប្រាស់ដ៏មានសក្តានុពល និងចាប់ផ្តើមរៀបចំហេដ្ឋារចនាសម្ព័ន្ធសម្រាប់ដាក់ពង្រាយអាវុធនេះនៅក្នុងកងកម្លាំងប្រដាប់អាវុធរបស់រុស្ស៊ី។

លោកប្រធានាធិបតី Trump បានបន្តទៀតថា ពួកគេមិនលេងហ្គេមជាមួយពួកលោកទេ។ ពួកលោកក៏មិនលេងហ្គេមជាមួយពួកគេដែរ មុនពេលលោកបានទាមទារម្តងទៀត ឱ្យលោក Putin បញ្ចប់សង្រ្គាមនៅអ៊ុយក្រែន៕