មនុស្ស ៦នាក់ ប្រដាប់ដោយអាវុធ បានប្រើប្រាស់គ្រឿងផ្ទុះ ទម្លុះទ្វារមន្ទីរពិសោធន៍ចម្រាញ់មាសនៅទីក្រុង Lyon បណ្តាលឲ្យនិយោជិក ៥នាក់ រងរបួសស្រាល ដែលជាករណីចោរកម្មទាំងថ្ងៃចែសគួរឲ្យចាប់អារម្មណ៍ចុងក្រោយគេ វាយប្រហារប្រទេសបារាំង ។

ក្រុមមន្រ្តីនិយាយថា ការវាយឆ្មក់ដ៏គគ្លើននៅទីក្រុងភាគខាងកើតនេះ បានកើតឡើងកាលពីរសៀលថ្ងៃព្រហស្បតិ៍ ហើយភ្លាមៗនោះដែរ នគរបាល ចាប់បានជនល្មើសសង្ស័យ និងបានរកឃើញ គ្រឿងអលង្កាលួចមានតម្លៃប្រហែល ១៣,៨លានដុល្លារ ។

រដ្ឋបាលផ្នែកតំបន់និយាយថា និយោជិក ៥នាក់ នៅក្នុងមន្ទីរពិសោធន៍ Laboratoires Pourquery បានរងរបួសស្រាលនៅក្នុងការផ្ទះ ហើយមនុស្ស ៣នាក់ ត្រូវបាននាំទៅកាន់មន្ទីរពេទ្យ ដើម្បីពិនិត្យសុខភាព ។ ពេលដែលករណីចោរប្លន់កើតឡើង និយោជិក ២៨នាក់ មានវត្តមាននៅទីនោះ ។

ប្រភពព័ត៌មានបានឲ្យដឹងថា ជនសង្ស័យដែលគេមានជំនឿថា ជាឧក្រិដ្ឋជនមានបទពិសោធន៍ខ្ពស់ ត្រូវបានឃាត់ខ្លួនភ្លាមៗ នៅសង្កាត់ Venissieux ។

នគរបាលនិយាយថា ទីភ្នាក់ងារព័ត៌មាន AFPថា ស្រ្តីម្នាក់ដែលជាអ្នកសមគំនិតចូលរួមប្លន់ ត្រូវបានចាប់ខ្លួនផងដែរ ។

លោក Laurent Nunez គឺជារដ្ឋមន្រ្តីក្រសួងមហាផ្ទៃបារាំង និយាយនៅលើបណ្តាញព័ត៌មានសង្គម X ថា មនុស្ស ៦នាក់ដែលបានប្រើប្រាស់គ្រឿងផ្ទុះនៅក្នុងការវាយប្រហារក្រុមហ៊ុនគ្រឿងអលង្ការមានតម្លៃនៅទីក្រុង Lyon ត្រូវបានចាប់ខ្លួនភ្លាមៗ ។ កាំភ្លើងវែង កាំភ្លើងខ្លី និងគ្រឿងផ្ទុះ ត្រូវរឹបអូសបានផងដែរ ៕