ក្រុមប្រឹក្សាចិនសម្រាប់ការជំរុញពាណិជ្ជកម្មអន្តរជាតិ (CCPIT) បាននិយាយកាលពីថ្ងៃសុក្រ (៣១ តុលា) ថា ពាណិជ្ជកម្មរបស់ប្រទេសចិន ជាមួយសមាគមប្រជាជាតិអាស៊ីអាគ្នេយ៍ (អាស៊ាន) បានរក្សាសន្ទុះយ៉ាងរឹងមាំនៅក្នុងរយៈពេល ៩ខែដំបូងនៃឆ្នាំ២០២៥នេះ។

ក្នុងរយៈពេលពីខែមករា ដល់ខែកញ្ញា ក្រុមប្រឹក្សា CCPIT បានអនុម័តអ្នករៀបចំការតាំងពិព័រណ៍របស់ចិន និងបានដឹកនាំសហគ្រាសជាង ៥ពាន់ស្ថាប័ន ឱ្យចូលរួមក្នុងគម្រោងតាំងពិព័រណ៍ចំនួន ១៥២កន្លែង នៅទូទាំងប្រទេសអាស៊ាន នេះបើតាមទីភ្នាក់ងារជំរុញពាណិជ្ជកម្ម និងវិនិយោគបរទេសជាតិចិន បានថ្លែងក្នុងសន្និសីទសារព័ត៌មានមួយ។

ក្នុង ៣ត្រីមាសដំបូងនេះ ប្រព័ន្ធផ្សព្វផ្សាយពាណិជ្ជកម្មជាតិរបស់ចិន បានចេញវិញ្ញាបនបត្របញ្ជាក់ប្រភពដើមទំនិញសរុបចំនួន ២៤២.៥០០ច្បាប់ ដែលមានទឹកប្រាក់ចំនួន ៧,០៨ពាន់លានដុល្លារអាមេរិក នៅក្រោមកិច្ចព្រមព្រៀងភាពជាដៃគូសេដ្ឋកិច្ចទូលំទូលាយក្នុងតំបន់ (RCEP) ពោលគឺកើនឡើង ២៥,៥៧% និង ២៤,០១% រៀងគ្នា ធៀបនឹងឆ្នាំមុន។

ក្រុមប្រឹក្សា CCPIT បាននិយាយថា កំណើននេះបានជំរុញពាណិជ្ជកម្មរបស់ចិន ជាមួយបណ្តាប្រទេសជាសមាជិក RCEP រួមទាំងបណ្តាប្រទេសអាស៊ាន ដែលបង្ហាញពីសន្ទុះនៃការអភិវឌ្ឍយ៉ាងល្អបំផុត៕