ប្រធានាធិបតី លោក Volodymyr Zelenskyy និយាយថា អ៊ុយក្រែនបានទទួលប្រព័ន្ធការពារដែនអាកាសប៉ាទ្រីយ៉ូត(Patriot) ផលិតដោយសហរដ្ឋអាមេរិកបន្ថែមទៀត ដើម្បីជួយឲ្យខ្លួនទប់ទល់ការវាយប្រហាររបស់រុស្ស៊ី។

ប្រព័ន្ធ Patriot ទំនើបគឺជាអាវុធដែលមានប្រសិទ្ធភាពបំផុតប្រឆាំងមីស៊ីលរបស់រុស្ស៊ី ដែលត្រូវបានប្រើដើម្បីសម្លាប់មនុស្សរាប់ពាន់នាក់ក្នុងសង្គ្រាមរបស់រុស្ស៊ីនៅអ៊ុយក្រែន ដែលបានបាញ់ជិតបួនឆ្នាំមកនេះ។

លោក Zelenskyy បានស្នើសុំដៃគូប្រទេសលោកខាងលិចឱ្យផ្តល់ប្រព័ន្ធទាំងនេះបន្ថែមទៀត ប៉ុន្តែការកំណត់ក្នុងការផលិតនិងតម្រូវការក្នុងការរក្សាក្នុងស្តុកបានធ្វើឱ្យការដឹកជញ្ជូនមានភាពយឺតយ៉ាវ។

លោក Zelenskyy បានបង្ហោះនៅលើបណ្តាញផ្សព្វផ្សាយសង្គមថា «ឥឡូវនេះមានប្រព័ន្ធមីស៊ីលប៉ាទ្រីយ៉ូតកាន់តែច្រើននៅក្នុងប្រទេសអ៊ុយក្រែន ហើយកំពុងត្រូវបានដាក់ឱ្យធ្វើប្រតិបត្តិការ»។ «ជាការពិត ប្រព័ន្ធច្រើនបន្ថែមទៀតគឺត្រូវការជាចាំបាច់ដើម្បីការពារទីតាំងហេដ្ឋារចនាសម្ព័ន្ធសំខាន់ៗ និងទីក្រុងរបស់យើងនៅទូទាំងទឹកដីនៃរដ្ឋរបស់យើង»។

សម្ព័ន្ធយោធាណាតូ កំពុងសម្របសម្រួលការដឹកជញ្ជូនកញ្ចប់សព្វាវុធដ៏ច្រើនទៅកាន់ប្រទេសអ៊ុយក្រែន ដោយសម្ព័ន្ធមិត្តនៅអឺរ៉ុបនិងប្រទេសកាណាដា បានទិញយុទ្ធោបករណ៍ជាច្រើនពីសហរដ្ឋអាមេរិក ដែលមានស្តុកទុកនូវសម្ភារៈយោធា ព្រមទាំងសព្វាវុធដែលមានប្រសិទ្ធភាព។

រដ្ឋបាលរបស់ប្រធានាធិបតីសហរដ្ឋអាមេរិក លោក Donald Trump ពុំបានផ្តល់អាវុធដល់អ៊ុយក្រែន ដូចអ្នកកាន់តំណែងមុនរបស់លោក Trump គឺលោក Joe Biden នោះទេ។