នគរបាលអ៊ុយក្រែន និយាយថា ពួកគេបានជម្លៀសជនស៊ីវិល ៩នាក់ ចេញពីទីក្រុង Kostiantynivka ស្ថិតក្នុងតំបន់ Donetsk ស្របពេលដែលកងកម្លាំងរុស្ស៊ី បង្កើនការវាយប្រហារលើតំបន់ខ្សែត្រៀមមុខភាគខាងកើត ។

ក្រុមមន្រ្តីមកពីអង្គភាព White Angel បានធ្វើដំណើរឆ្លងកាត់តាមផ្លូវរងការខូចខាត ពាសពេញដោយរថយន្តបំផ្លិចបំផ្លាញ ដើម្បីទៅដល់ប្រជាជននៅក្នុងសង្កាត់ជាច្រើនក្នុងទីក្រុង ។ ភាគច្រើននៃជនស៊ីវិលជម្លៀសខ្លួន គឺជាមនុស្សចាស់ ។

ក្រុមមន្រ្តីបានរកឃើញផងដែរស្រ្តីម្នាក់ ដែលត្រូវបានសម្លាប់នៅក្នុងការវាយប្រហារកាលពីពេលថ្មីៗនេះ ហើយនិងជួយអ្នកស្រុក យកសាកសពរបស់គាត់ ។ កូនប្រុសរបស់ស្រ្តីត្រូវបានសម្លាប់ និយាយថា លោកបានឃើញការវាយប្រហារជាច្រើនត្រូវចំអគារដែលម្តាយគាត់រស់នៅ ខណៈដែលគាត់នៅអគារក្បែរគ្នា ។

ទីក្រុងម៉ូស្គូ បានព្យាយាមរុលចូលដើម្បីដណ្តើមកាន់កាប់ទីក្រុង Kostiantynivka និងទីក្រុងPokrovsk ដើម្បីត្រួសត្រាយផ្លូវ សម្រាប់ការរុលចូលទៅក្នុងទីក្រុង Kramatorsk និងទីក្រុង Sloviansk ដែលជាតំបន់កាន់កាប់សំខាន់ចុងក្រោយរបស់អ៊ុយក្រែននៅតំបន់ Donetsk ៕