ប្រធានាធិបតីអាមេរិក លោក ដូណាល់ ត្រាំ (Donald Trump) បាននិយាយនៅលើបណ្តាញទំនាក់ទំនងសង្គម Truth Social Networkថា តំណាងមកពីសហរដ្ឋអាមេរិក នឹងមិនចូលរួមកិច្ចប្រជុំកំពូលនៃក្រុមប្រទេស G20 នៅទីក្រុង Johannesburg ដែលត្រូវបានរៀបចំឡើង ក្រោមការដឹកនាំរបស់អាហ្វ្រិកខាងត្បូងទេ។  

លោកបានសរសេរថា៖«នេះ គឺជាការអាម៉ាស់យ៉ាងខ្លាំង ដែលកិច្ចប្រជុំ G20 នឹងត្រូវធ្វើឡើង នៅអាហ្វ្រិកខាងត្បូង។ ជនជាតិអាហ្វ្រិក (ជនជាតិដែលមានដើមកំណើតមកពីអ្នកតាំងលំនៅហូឡង់ និងជនអន្តោប្រវេសន៍បារាំង និងអាល្លឺម៉ង់) កំពុងត្រូវបានសម្លាប់ និងសម្លាប់រង្គាល់ ហើយដីធ្លី និងកសិដ្ឋានរបស់ពួកគេកំពុងត្រូវបានរឹបអូសដោយខុសច្បាប់។ គ្មានមន្ត្រីរដ្ឋាភិបាលអាមេរិកណាម្នាក់ នឹងចូលរួមទេ ដរាបណាការរំលោភសិទ្ធិមនុស្ស នៅតែបន្តនោះ ។ ខ្ញុំទន្ទឹងរង់ចាំធ្វើជាម្ចាស់ផ្ទះនៃកិច្ចប្រជុំ G20 ឆ្នាំ ២០២៦ នៅទីក្រុង Miami នៃរដ្ឋហ្វ្លរីដា»។ 

កិច្ចប្រជុំកំពូល G20 នឹងត្រូវធ្វើឡើង នៅទីក្រុង Johannesburg នៅថ្ងៃទី ២២ និង ២៣ ខែវិច្ឆិកា។ សហរដ្ឋអាមេរិក បាននិយាយពីមុនថា លោក ត្រាំ នឹងមិនទៅទីក្រុង Johannesburg ទេ ហើយគណៈប្រតិភូសហរដ្ឋអាមេរិក នឹងដឹកនាំដោយលោកអនុប្រធានាធិបតី JD Vance៕