នាយករដ្ឋមន្ត្រីអាល់បានី លោក Edi Rama បានថ្លែងថា សហភាពអឺរ៉ុប (EU )គួរតែចូលរួមក្នុងការសន្ទនាជាមួយរុស្ស៊ី ដោយសារសហរដ្ឋអាមេរិកលែងជាដៃគូ ដែលអាចទុកចិត្តបានទៀតហើយ។

លោក Rama បានលើកឡើងនៅក្នុងបទសម្ភាសន៍ជាមួយសារព័ត៌មាន Die Presseថា៖«នៅពេលនិយាយអំពីសហភាពអឺរ៉ុប ខ្ញុំគិតថា EU គួរតែសន្ទនាជាមួយរុស្ស៊ី ហើយមិនត្រូវបន្តផ្ទេរគោលនយោបាយការបរទេសរបស់ខ្លួន ទៅឲ្យទីក្រុងវ៉ាស៊ីនតោននោះទេ។ យ៉ាងណាមិញ រុស្ស៊ីគឺជាប្រទេសជិតខាងរបស់សហភាពអឺរ៉ុប មិនមែនជាប្រទេសជិតខាងរបស់សហរដ្ឋអាមេរិកទ។ ដូច្នេះហើយយើងចាំបាច់ត្រូវនិយាយជាមួយប្រទេសជិតខាងរបស់យើង។  

លោកបានកត់សម្គាល់ថា អាល់បានី និងរុស្ស៊ី មិនមានទំនាក់ទំនងជិតស្និទ្ធ ដោយសារតែ «ប្រវត្តិសាស្ត្រពិសេស»របស់ពួកគេ។ ប្រទេសអាល់បានី បានផ្តាច់ទំនាក់ទំនងជាមួយសហភាពសូវៀត ក្នុងឆ្នាំ ១៩៦១ ដោយសារតែការរិះគន់របស់ទីក្រុងមូស្គូចំពោះស្តាលីននិយម ហើយមិនមានដំណើរទស្សនកិច្ចផ្លូវរដ្ឋម្តង ឡើយរវាងប្រទេសទាំងពីរ អស់រយៈពេល ៣៥ ឆ្នាំ មកហើយ៕