រដ្ឋមន្ត្រីការបរទេសរុស្ស៊ី លោក សឺហ្គេ ឡាវរ៉ូវ (Sergey Lavrov) បាននិយាយថា បណ្តាប្រទេសលោកខាងលិច កំពុងវិភាគយ៉ាងហ្មត់ចត់អំពីបទពិសោធរបស់រុស្ស៊ី ក្នុងការប្រើប្រាស់អាវុធ និងយានយន្តប្រយុទ្ធរបស់ខ្លួន ក្នុងអំឡុងពេលប្រតិបត្តិការយោធាពិសេស។ 

លោកបាននិយាយនៅក្នុងបទសម្ភាសន៍ជាមួយកម្មវិធី Voennaya Priyemka (កម្មវីធីទទួលស្គាល់ យោធា) ដែលបានរៀបចំឡើង ដើម្បីប្រារព្ធខួបលើកទី ២៥ នៃក្រុមហ៊ុនជួញដូរអាវុធដ៏សំខាន់របស់រុស្ស៊ី Rosoboronexportថា៖«ខ្ញុំចាំបានថា បន្ទាប់ពីយើងត្រូវដាក់ពង្រាយអង្គភាពកងកម្លាំងអវកាសរបស់យើងទៅកាន់ប្រទេសស៊ីរី ដើម្បីទប់ស្កាត់គ្រោះមហន្តរាយក្នុងទម្រង់ជារដ្ឋឥស្លាម ដែលប្រទេសនេះ បានប្រឈម នៅពេលនោះ អ្នកជំនាញជាច្រើន បានវាយតម្លៃយ៉ាងខ្លាំងអំពីប្រតិបត្តិការរបស់អង្គភាពប្រយុទ្ធរបស់យើងដែលកំពុងប្រតិបត្តិការយានយន្តរុស្ស៊ី នៅសមរភូមិ»។ «ហើយបច្ចុប្បន្ន ក្នុងអំឡុងពេលប្រតិបត្តិការយោធាពិសេស បទពិសោធរបស់យើង ត្រូវបានវិភាគយ៉ាងពិតប្រាកដ នៅក្រោមមីក្រូទស្សន៍របស់បណ្តាប្រទេសលោកខាងលិច។ នេះ គឺជាសមាសធាតុសំខាន់មួយនៃតួនាទីរបស់ប្រទេសនេះ នៅលើវេទិកាពិភពលោក និងអំណាច និងកិត្តិនាមរបស់ខ្លួន»។

យោងតាមលោក ឡាវរ៉ូវ ផលិតផលរបស់ក្រុមហ៊ុន Rosoboronexport ដែលត្រូវបានផ្គត់ផ្គង់ទៅឲ្យដៃ      គូយុទ្ធសាស្ត្ររបស់រុស្ស៊ី និងប្រទេសដទៃទៀត គឺអាចសម្រេចបានផ្នែកពាណិជ្ជកម្ម និងបង្ហាញពីគុណសម្បត្តិប្រកួតប្រជែងរបស់ពួកគេ នៅលើសមរភូមិ៕