​មី​យ៉ាន់​ម៉ា៖ របប​យោធា​មី​យ៉ាន់​ម៉ា​បាន​បង្ហាញ​កម្លាំង​យោធារ​បស់​ខ្លួន​ ជាមួយ​នឹង​ក្បួន​ដង្ហែ​ក្នុង​រដ្ឋធានី Naypyitaw កាលពី​ថ្ងៃ​សៅរ៍ ដោយ​មេដឹកនាំ​របស់​ខ្លួន​លោក Min Aung Hlaing បាន​ការពារ​រដ្ឋប្រហា​រ​កាលពី​ឆ្នាំមុន​ជា​ការ​ចាំបាច់​ ដើម្បី​ការពារ​ប្រទេស​ពី​ស​ត្រូវ​ទាំង​ក្នុងស្រុក និង​បរទេស​។

​

​ការ​ប្រារព្ធ​ទិវា​សហភាព​មី​យ៉ាន់​ម៉ា ​(Myanmar's Union Day) ដែលជា​ការ​រំលឹក​ឯករាជ្យ​ពី​ការគ្រប់គ្រង​អាណានិគម​អង់គ្លេស​ក្នុង​ឆ្នាំ១៩៤៧ រដ្ឋាភិបាល​ក៏បាន​ប្រកាស​ថា ​អ្នកទោស​ចំនួន ៨១៤​នាក់​នឹង​ត្រូវ​បាន​លើកលែងទោស​។ ការលើកលែងទោស​ត្រូវ​បានផ្តល់​ជា​ញឹកញាប់​នៅ​ថ្ងៃ​ឈប់សម្រាក​សំខាន់ៗ​។ ភ្លាមៗ​នោះគេ​មិន​ច្បាស់​ទេ​ថា តើ​លោក Sean Turnell ទីប្រឹក្សា​សេដ្ឋកិច្ច​ជនជាតិ​អូស្ត្រាលីរបស់​មេដឹកនាំ​មី​យ៉ាន់​ម៉ា ដែល​ត្រូវបាន​ទម្លាក់​ពីតំណែង​គឺលោកស្រី Aung San Suu Kyi និង​ដែល​ត្រូវបាន​ឃុំខ្លួន​អស់​រយៈពេល​ជាង​មួយឆ្នាំ​នោះ ស្ថិតក្នុង​ចំណោម​អ្នក​ដែល​ត្រូវបាន​លើកលែងទោស​ដែរ​ ឬ​អត់​នោះទេ​។​

​នៅថ្ងៃនោះ​បានចាប់ផ្តើម​ដោយ​មានការ​កាត់ផ្ដាច់​ប​ណ្ដា​ញ​អ៊ីនធឺណិត​នៅតាម​ទូរស័ព្ទ​ចាប់ពី​ម៉ោង ៤.០០ព្រឹក​ម៉ោង​ក្នុងស្រុកជាមួយនឹង​ក្បួន​ដង្ហែ​របស់​អង្គភាព​កងទ័ព និង​មន្ត្រីរាជការបានធ្វើ​ឡើង​នៅពេល​ព្រឹក​។ ព្រឹត្តិការណ៍​នោះ​ក៏មាន​ការចូលរួម​ផងដែរ​ពី​គណៈប្រតិភូ​មកពី​រដ្ឋ Karen, រដ្ឋ Chin និង​រដ្ឋ Kayah របស់​មី​យ៉ាន់​ម៉ា ជា​កន្លែង​ដែល​ជម្លោះ​ប្រដាប់អាវុធ​ប្រឆាំងនឹង​ជនជាតិភាគតិច និង​យោធា​ផ្ទុះឡើង​។​ ក្រុម​សាច់ញាតិ​បាន​ឈរ​រង់ចាំ​នៅ​ខាងក្រៅ​ពន្ធនាគារ Insein ក្នុង​ទីក្រុង Yangon បន្ទាប់ពី​សារព័ត៌មាន​បាន​រាយការណ៍​ថា ប្រមុខ​យោធា​មី​យ៉ាន់​ម៉ា​បានប្រកាស​លើកលែងទោស​ដល់​អ្នកទោស​ជាង ៨៦០​នាក់​៕

អត្ថបទ៖ សុខមាន