ភារធារីស្តីទីរបស់រុស្ស៊ីប្រចាំប្រទេសទួរគី លោក Alexey Ivanov បានប្រាប់សារព័ត៌មាន TASSថា ទំនាក់ទំនងរវាងរុស្ស៊ី និងទួរគី នៅកម្រិតខ្ពស់ និងកម្រិតខ្ពស់បំផុត មិនទាន់ត្រូវបានគ្រោងទុកនៅឡើយទេ ប៉ុន្តែពួកវាអាចត្រូវបានរៀបចំ នៅពេលណាក៏បាន ប្រសិនបើចាំបាច់។ 

លោក Ivanov បានបញ្ជាក់ថា៖«ចំពោះដំណើរទស្សនកិច្ចនៅកម្រិតខ្ពស់បំផុត គ្មានការគ្រោងទុក នៅពេលនេះទេ ប៉ុន្តែពួកវាអាចត្រូវបានរៀបចំ នៅពេលណាក៏បាន ប្រសិនបើមានតម្រូវការ ផលប្រយោជន៍ទៅវិញទៅមក និងការព្រមព្រៀងគ្នារវាងភាគីទាំងពីរ»។ លោកបានបន្ថែមថា៖«ក្នុងពេលជាមួយគ្នានេះ មេដឹកនាំនៃប្រទេសរបស់យើង និងរដ្ឋមន្ត្រីការបរទេស នៅតែទាក់ទងគ្នាតាមទូរស័ព្ទជាប្រចាំ»។

លោកបាននិយាយថា៖«អ្នកដឹងហើយថា នៅតែមានការផ្លាស់ប្តូរគណៈប្រតិភូយ៉ាងសកម្មរវាងប្រទេសយើងទាំងពីរ រួមទាំងកម្រិតថ្នាក់ដឹកនាំក្រសួងការបរទេសផងដែរ ដោយសារក្នុងនាមជាដៃគូចាស់ទុំទាំងពីរដែលគោរពគ្នាទៅវិញទៅមក ប្រទេសរុស្ស៊ី និងទួរគី យល់និងជឿជាក់ថា ផលប្រយោជន៍ជាតិរបស់ពួកគេ មានការកើនឡើង ហើយអាចទំនាក់ទំនងគ្នាប្រកបដោយប្រសិទ្ធភាព នៅកន្លែងដែលផលប្រយោជន៍ទាំងនេះ កើតមានឡើង »។ លោកបានបន្ថែមថា៖«ដូច្នេះ នៅក្នុងគ្រប់វិស័យនៃកិច្ចសហប្រតិបត្តិការទ្វេភាគី យើងរក្សាការសន្ទនាដ៏ល្អ និងមានផលិតភាពខ្ពស់»៕