ផ្លូវ និងលំនៅឋាននានា នៅក្នុងស្រុក Yilan របស់កោះតៃវ៉ាន់ រងការខូចខាតពីទឹកជំនន់ និងបំណាក់ល្បាប់កាលពីថ្ងៃពុធសប្ដាហ៍នេះ បន្ទាប់ពីទឹកជំនន់បានវាយប្រហារលើតំបន់លំនៅឋានជាច្រើន បង្ខំឲ្យប្រជាពលរដ្ឋដើរក្នុងទឹក និងសម្អាតកម្ទេចកម្ទីចេញពីផ្ទះសម្បែងដែលរងការបំផ្លិចបំផ្លាញ ។

កោះតៃវ៉ាន់ បានជម្លៀសមនុស្សជាង៨.៣០០នាក់មុនការមកដល់របស់ព្យុះទីហ្វុង Fung-wong ដែលបានថយចុះកម្លាំងកាលពីថ្ងៃពុធ ដោយនៅតែបន្តឲ្យមានភ្លៀងធ្លាក់ខ្លាំងលើតំបន់ភ្នំភាគខាងកើតឆ្នេរសមុទ្រ និងទឹកជំនន់ឡើងដល់ជម្រៅត្រឹម ក នៅកន្លែងខ្លះ។ 

ក្រុមមន្ត្រីអាកាសធាតុបាននិយាយថា ហាងអាជីវកម្ម និងសាលារៀន ត្រូវបានបិទនៅក្នុងតំបន់ភាគខាងត្បូងនៃកោះនេះ ហើយមនុស្ស៥១នាក់រងរបួស ។ លំនៅឋានជាង១.០០០ខ្នង ត្រូវបានទឹកជន់លិចនៅទីក្រុងកំពង់ផែ Suao ដែលបានទទួលកម្រិតទឹកភ្លៀង ៦៤៨មីលីម៉ែត្រកាលពីថ្ងៃអង្គារ ១១វិច្ឆិកា ជាកំណត់ត្រាខ្ពស់បំផុតមួយសម្រាប់ខែនេះ ។

នាយកដ្ឋានពន្លត់អគ្គិភ័យ បាននិយាយថា មនុស្សប្រមាណ ៨.៣០០នាក់  ត្រូវបានជម្លៀសចេញពីលំនៅឋាន ទៅកាន់ទីតាំងមានសុវត្ថិភាព ភាគច្រើននៅក្នុងតំបន់ Yilan និង Hualien នៅក្បែរនោះ ។

ព្យុះទីហ្វុង Fung-wong បានបាត់បង់កម្លាំង ក្រោយវាយប្រហារប្រទេសហ្វីលីពីន ដែលបានឆក់យកជីវិតមនុស្សចំនួន២៧នាក់ ៕