សារព័ត៌មាន AP បានរាយការណ៍នៅថ្ងៃសុក្រ (១៤ វិច្ឆិកា) នេះថា នាវាផ្ទុកយន្តហោះទំនើបបំផុតក្នុងពិភពលោករបស់សហរដ្ឋអាមេរិក USS Gerald R. Ford ត្រូវបានគេរំពឹងថា នឹងទៅដល់ដែនទឹកក្បែរប្រទេសវ៉េណេស៊ុយអេឡា ប៉ុន្មានថ្ងៃខាងមុខនេះ នៅក្នុងកាបង្អួតសាច់ដុំយោធាអាមេរិកនៅអាមេរិកឡាទីន ដែលមិនធ្លាប់បានឃើញអស់ជាច្រើនជំនាន់។

ក្រុមអ្នកជំនាញមិនយល់ស្របឡើយ លើលទ្ធភាពដែលថាយន្តហោះចម្បាំងអាមេរិក នឹងហោះចេញពីនាវាផ្ទុកយន្តហោះដ៏ធំជាងគេក្នុងពិភពលោកនេះ ដើម្បីទម្លាក់គ្រាប់បែកលើគោលដៅក្នុងវ៉េណេស៊ុយអេឡា និងដាក់សម្ពាធបន្ថែមទៀតដល់លោកប្រធានាធិបតី Nicolás Maduro ឱ្យចុះពីតំណែង។

មិនថាយានដ៏ធំនេះអាចបម្រើក្នុងគោលបំណងវាយប្រហារ ឬក៏គ្រាន់តែល្បាតនៅការ៉ាអ៊ីបពេលដែលសហរដ្ឋអាមេរិក បំផ្ទុះទូកសង្ស័យជួញដូរគ្រឿងញៀនោះទេ — វត្តមានរបស់នាវាចម្បាំងទម្ងន់ ១សែនតោនមួយនេះ ក៏កំពុងផ្ញើសារព្រមានរួចទៅហើយ។

លោកស្រី Elizabeth Dickinson អ្នកវិភាគជាន់ខ្ពស់របស់ក្រុមវិបត្តិអន្តរជាតិ ICG សម្រាប់តំបន់ភ្នំអង់ បាននិយាយថា៖ នេះគឺជាយុថ្កានៃអត្ថន័យបង្ហាញអំណាចយោធារបស់សហរដ្ឋអាមេរិក ជាថ្មីម្តងទៀត នៅអាមេរិកឡាទីន ហើយនេះបានបង្កើនក្ដីបារម្ភជាច្រើនទាំងនៅវ៉េណេស៊ុយអេឡា និងទូទាំងតំបន់។

ជាយូរមកហើយ អាមេរិកតែងប្រើនាវាដឹកយន្តហោះរបស់ខ្លួនធ្វើជាឧបករណ៍រារាំង ក្នុងការដាក់សម្ពាធ និងជះឥទ្ធិពលលើប្រទេសដទៃ ហើយញឹកញាប់ មិនប្រើកម្លាំងអ្វីទាំងអស់។ នាវាផ្ទុកយន្តហោះទាំងនោះដឹកបុគ្គលិករាប់ពាន់នាក់ និងយន្តហោះចម្បាំងរាប់សិបគ្រឿង ដែលអាចវាយប្រហារគោលដៅជ្រៅៗក្នុងប្រទេសណាមួយ៕