កម្មករសំណង់ត្រូវបានគេមើលឃើញនៅផ្នែកខាងប្រទេសអ៊ីស្រាអែលនៅព្រំដែនភាគខាងត្បូងជាមួយប្រទេសលីបង់កាលពីថ្ងៃអាទិត្យ ទី១៦ ខែវិច្ឆិកា ខណៈពួកគេកំពុងបន្តធ្វើការសាងសង់ជញ្ជាំងបេតុងតាមបណ្តោយព្រំដែនភាគខាងត្បូងប្រទេសលីបង់ដែលលាតសន្ធឹងហួសពី «ខ្សែបន្ទាត់ខៀវ» នេះបើយោងតាមការិយាល័យប្រធានាធិបតីលីបង់។

ខ្សែបន្ទាត់ខៀវជាបន្ទាត់ដែលបានគូសផែនទីដោយអង្គការសហប្រជាជាតិ បែងចែកប្រទេសលីបង់ពីអ៊ីស្រាអែល និងតំបន់ខ្ពង់រាប Golan ដែលអ៊ីស្រាអែលកាន់កាប់។ កងកម្លាំងអ៊ីស្រាអែល បានដកខ្លួនចេញពីខ្សែបន្ទាត់ពណ៌ខៀវនៅពេលដែលពួកគេបានចាកចេញពីលីបង់ភាគខាងត្បូងក្នុងឆ្នាំ២០០០។

អ្នកនាំពាក្យរបស់អគ្គលេខាធិការអង្គការសហប្រជាជាតិ លោក Stephane Dujarric បាននិយាយថា ជញ្ជាំងព្រំដែនបានធ្វើឱ្យទឹកដីលីបង់ជាង៤.០០០ម៉ែត្រក្រឡាមិនអាចឲ្យប្រជាជនលីបង់ចូលទៅបាន។

ការិយាល័យប្រធានាធិបតីលីបង់ បានគាំទ្រការសុន្ទរកថារបស់លោកដែលនិយាយនៅក្នុងសេចក្តីថ្លែងការណ៍ថា ការសាងសង់ដែលកំពុងបន្តរបស់អ៊ីស្រាអែល ជា «ការរំលោភលើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិលេខ១៧០១ និងជាការរំលោភលើដែនអធិបតេយ្យភាព និងបូរណភាពទឹកដីរបស់ប្រទេសលីបង់»។

អ្នកនាំពាក្យយោធាអ៊ីស្រាអែល បានបដិសេធថា ជញ្ជាំងនេះពុំបានឆ្លងកាត់ខ្សែបន្ទាត់ខៀវទេ។