អភិបាលតំបន់ និងមន្ត្រីយោធាតំបន់មួយរូប នៅ Kharkiv បាននិយាយនៅថ្ងៃចន្ទនេះថា ការវាយប្រហារដោយមីស៊ីលរបស់រុស្ស៊ីលើទីក្រុង Balakliya ភាគខាងកើតប្រទេសអ៊ុយក្រែន បានសម្លាប់មនុស្ស បីនាក់ និង១០នាក់រងរបួស ក្នុងនោះមានកុមារ បីនាក់។

លោក Vitali Karabanov ប្រធានរដ្ឋបាលយោធានៃតំបន Balakliya បាននិយាយនៅលើកម្មវិធីផ្ញើសារ Telegram ថា ការវាយប្រហារពេញមួយយប់ បានត្រូវចំកណ្តាលទីក្រុង ដោយបានធ្វើឲ្យកុមារដែលកើតក្នុងឆ្នាំ ២០០៧, ២០១០ និង ២០១១ រងរបួស។ លោកបាននិយាយថា អ្នករងរបួស ៩នាក់ ត្រូវបានបញ្ជូនទៅមន្ទីរពេទ្យ។

អភិបាលតំបន់ លោក Oleg Synegubov បានបង្ហោះនៅលើបណ្តាញ Telegram ថា យ៉ាងហោចណាសមនុស្ស ៧នាក់ បានរងរបួស។

លោក Synegubov បាននិយាយថា៖«សត្រូវបានបើកការវាយប្រហារដោយមីស៊ីលលើទីក្រុង Balakliya ដោយបន្ថែមថា យ៉ាងហោចណាស់មនុស្ស ៧នាក់ បានរងរបួស និងអគារផ្ទះល្វែង និងរថយន្ត បានរងការខូចខាត។

ពុំមានការឆ្លើយតបភ្លាមៗពីទីក្រុងមូស្គូចំពោះការវាយប្រហារនោះទេ។ សារព័ត៌មាន មិនអាចផ្ទៀងផ្ទាត់របាយការណ៍របស់លោក Karabanov ដោយឯករាជ្យបានទេ៕