សហរដ្ឋអាមេរិក៖ កាលពីថ្ងៃអង្គារលោកប្រធានាធិបតីអាមេរិកបានទទួលស្គាល់ថា វាអាចនឹងកើតឡើងដែលថា ទណ្ឌកម្មរបស់អាមេរិក និងសម្ព័ន្ធមិត្តលើប្រទេសរុស្ស៊ីសងសឹកទៅនឹងការឈ្លានពានលើអ៊ុយក្រែន នឹងនាំមកនូវការប៉ះទង្គិចធ្ងន់ធ្ងរដល់សេដ្ឋកិច្ចអាមេរិក រួមទាំងការឡើងថ្លៃ និងភាពរអាក់រអួលចំពោះការផ្គត់ផ្គង់ថាមពលរបស់រុស្ស៊ី។
ថ្លែងនៅសេតវិមានអំពីវិបត្តិដែលនៅតែអូសបន្លាយ លោក Biden និយាយថា ពលរដ្ឋអាមេរិកយល់ថា ការការពារលទ្ធិប្រជាធិបតេយ្យ និងសេរីភាព មិនដែលថាមិនខាតបង់នោះទេ។ លោកនឹងមិនធ្វើពើថា បញ្ហានេះគ្មានការប៉ះពាល់នោះទេ។ លោកថា រដ្ឋបាលរបស់លោកកំពុងធ្វើការយ៉ាងសកម្មដើម្បីព្យាយាមទប់ស្កាត់បញ្ហាការផ្គត់ផ្គង់ ដោយធ្វើការជាមួយបណ្ដាប្រទេសអ្នកផលិត និងដឹកជញ្ជូនថាមពលលើផែនការចាំបាច់នានា ហើយលោកថា លោកនឹងធ្វើការជាមួយសភាលើវិធានការដែលមិនជាក់លាក់បន្ថែមទៀត ដើម្បីការពារអ្នកប្រើប្រាស់ និងដោះស្រាយការប៉ះពាល់នៃតម្លៃប្រភពថាមពល។
លោក Joe Biden និយាយថា លោកសង្ឃឹមថា ដំណោះស្រាយខាងការទូតទាំង២ នឹងជួយកាត់បន្ថយភាពតានតឹងជុំវិញបញ្ហាអ៊ុយក្រែន និងស្របទៅតាមឆន្ទៈរបស់លោកប្រធានាធិបតីរុស្ស៊ី Vladimir Putin ក្នុងការបន្តការចរចានានានាពេលអនាគត។ លោកបានព្រមាននៅក្នុងការអត្ថាធិប្បាយរបស់លោកនៅសេតវិមានថា ប្រសិនបើផ្លូវការទូតមិនត្រូវបានបង្ហាញផលលំបាកផ្សេងៗ អាចនឹងប៉ះពាល់ដែលមិនត្រឹមតែសម្រាប់លោក Putin ខ្លួនឯងប៉ុណ្ណោះទេថែមទាំងប៉ះពាល់ជនជាតិអាមេរិកផងដែរ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
