អាជ្ញាធរស៊ីរី បានឃាត់ខ្លួនពលរដ្ឋលីបង់មួយចំនួន ដែលបានចូលទៅក្នុងដែនទឹករបស់ប្រទេសនេះ ដោយខុសច្បាប់តាមទូក នៅក្នុងខេត្ត Tartus នៃតំបន់មេឌីទែរ៉ាណេ ទៅឲ្យប្រទេសលីបង់វិញ។

សន្តិសុខផ្ទៃក្នុងនៅ Tartus បានប្រកាសកាលពីថ្ងៃចន្ទអំពីការឃាត់ខ្លួនពលរដ្ឋលីបង់ចំនួន ១៧នាក់ បន្ទាប់ពីការល្បាតរបស់ឆ្មាំសមុទ្រ បានកំណត់អត្តសញ្ញាណទូកនេសាទចំនួនបីគ្រឿងរបស់ពួកគេ ដែលចូលទៅក្នុងដែនទឹកស៊ីរី។ នេះបើយោងតាមទីភ្នាក់ងារសារព័ត៌មានអារ៉ាប់ស៊ីរី។

បន្ទាប់ពីការសួរចម្លើយ នាយកដ្ឋានសហប្រតិបត្តិការអន្តរជាតិនៅក្នុងក្រសួងមហាផ្ទៃ បានប្រគល់បុគ្គលទាំងអស់នោះ និងទូករបស់ពួកគេ នៅច្រកព្រំដែន Arida ឆ្នេរសមុទ្ររវាងប្រទេសទាំងពីរ ដោយមានការសម្របសម្រួលជាមួយសន្តិសុខទូទៅលីបង់៕