ប្រធានឧស្សាហកម្មគណៈកម្មការអឺរ៉ុប លោក Stéphane Séjourné បាននិយាយនៅថ្ងៃពុធ (១៩ វិច្ឆិកា) នេះក្នុងបទសម្ភាសន៍របស់សារព័ត៌មាន FT ថា សហភាពអឺរ៉ុប គ្រោងនឹងបង្កើតអាជ្ញាធរកណ្តាលមួយ ដើម្បីសម្របសម្រួលការទិញ និងការស្តុកទុកសារធាតុរ៉ែកម្រសំខាន់ៗឱ្យបានច្រើន ដើម្បីកុំឱ្យសហរដ្ឋអាមេរិក ធានាបានការផ្គត់ផ្គង់គ្រប់គ្រាន់ ដោយមិនអាចជៀសពីការពឹងពាក់លើអឺរ៉ុប។

នៅក្នុងបទសម្ភាសន៍នោះ លោក Séjourné បាននិយាយថា សហភាពអឺរ៉ុបបានក្លាយទៅជាអ្នករងគ្រោះ នៅក្នុងភាពតានតឹងរវាងសហរដ្ឋអាមេរិក និងចិន លើរ៉ែកម្រ ដែលមានសារៈសំខាន់ខ្លាំងសម្រាប់វិស័យការពារជាតិ និងបច្ចេកវិទ្យាថាមពលស្អាត។

គួរឱ្យដឹងថា ប្រទេសចិន មានមូលដ្ឋានរឹងមាំលើការផ្គត់ផ្គង់សារធាតុរ៉ែសំខាន់ៗ ដែលចាំបាច់សម្រាប់ឧស្សាហកម្មថាមពលកកើតឡើងវិញ ដែលធ្វើឱ្យវិស័យនេះងាយរងគ្រោះទៅនឹងការប្រែប្រួលតម្លៃ ភាពតានតឹងភូមិសាស្ត្រនយោបាយ និងភាពតានតឹងផ្នែកផ្គត់ផ្គង់។

សារធាតុរ៉ែសំខាន់ៗទាំងនេះក៏ត្រូវការចាំបាច់សម្រាប់ប្រព័ន្ធការពារជាតិ និងយានយន្តអគ្គិសនី ក៏ដូចជាមីក្រូឈីប និងឧបករណ៍អេឡិចត្រូនិកសម្រាប់ហេដ្ឋារចនាសម្ព័ន្ធមណ្ឌលទិន្នន័យដ៏សំខាន់ផ្សេងទៀត៕