​បាល់ទាត់៖ ​ក្រុម​ហង្ស​ក្រហម Liverpool បាន​បោះ​ជំ​ហ៊ាន​ដ៏​សំខាន់​មួយទៀត​ក្នុង​ការឈាន​ជើង​ទៅ​វគ្គ ៨ក្រុម​ចុងក្រោយ UEFA Champions League បន្ទាប់ពី​ជ័យជំនះ​នៅ​ទឹកដី Inter Milan ២-០ យប់មិញ​។ ​​ក្រុម​ជើងឯក​ឆ្នាំ២០១៩ Liverpool មើលទៅ​ទំនងជា​ស្មើ​ទៅហើយ​នៅ​ទឹកដី​អ៊ីតាលី មុន​ពេលដែល​ខ្សែប្រយុទ្ធ​ប្រេ​ស៊ី​ល Roberto Firmino តែ​តប​ញ្ចូ​នទី​នាំមុខ​នៅ​នាទី​ទី៧៥​។

​​ខ្សែប្រយុទ្ធ​អេ​ហ្ស៊ី​ប Mohamed Salah ជា​អ្នកសំរេច​គ្រាប់​ទី​ពីរ​នៅ​នាទី​ទី៨៣ មានន័យថា ​ក្រុម​របស់លោក Jurgen Klopp កាន់​គ្រាប់​ចំនេញ​ក្រៅ​ដី​ដល់​ទៅ ២គ្រាប់​មុន​ត្រលប់​ទៅ​ទឹកដី Anfield វិញ​នៅ​ថ្ងៃទី៨ ខែ​មិនា​។ ​​តែ Liverpool ក៏​មានរឿង​សោកស្តាយ​ដែរ​ នៅពេល​ខ្សែប្រយុទ្ធ​ព័រទុយហ្កាល់​ដែល​កំពុងមាន​ទំរង់​លេង​ល្អ Diogo Jota មាន​របួស​ដែល​ត្រូវ​ផ្លាស់ចេញ​ជំនួស​ដោយ Roberto Firmino នោះ​។ ​​ងាក​មក​ការប្រកួត​មួយគូ​ទៀត ក្រុម​ជើងឯក​អាល្លឺម៉ង់ Bayern Munich ធ្វើដំណើរ​ទៅ​ទឹកដី​អូទ្រីស​របស់ RB Salzburg បាន​ត្រឹម​លទ្ធផល ១-១ ប៉ុណ្ណោះ​។

​​ជើងឯក ៦សម័យ Bayern Munich ថែមទាំង​ត្រូវបាន​ចាស់ផ្ទះ​នាំមុខ​មុន​តាំងពី​នាទី​ទី២១ ដោយ Chukwubuike Adamu​។ ​​Bayern Munich ដែល​ឈ្នះ​ការប្រកួត​ទាំង ៦ ក្នុង​ពូ​ល​បែ​ជា​លំបាក​នៅពេល​ជួប​ក្រុម Salzburg ដែល​សំបូរ​ដោយកីឡាករ​យុវជន​។ ​​គ្រាប់​តាម​ស្មើ​របស់ Bayern Munich ត្រូវ​រង់ចាំ​ដល់​នាទី​ទី៩០ ទើប​កីឡាករ​បារាំង Kingsley Coman សំរេចបាន​។ ​សូមបញ្ជាក់ថា Bayern Munich មុន​មកដល់​ប្រកួត​នេះ​បាន​រង​បរាជ័យ​ ២​ប្រកួត​ជាប់​គ្នា​នៅក្នុង​លី​គជា​លើកដំបូង​តាំងពី​ឆ្នាំ២០១៩៕

​អត្ថបទ​៖​នាង សុភា​វុ​ធ