លោក Marco Rubio រដ្ឋមន្ត្រីការបរទេសសហរដ្ឋអាមេរិក បានទទូចថាផែនការដែលបានស្នើឡើងដើម្បីបញ្ចប់សង្គ្រាមអ៊ុយក្រែន ដែលត្រូវបានគេមើលឃើញយ៉ាងទូលំទូលាយថាអំណោយផលដល់រុស្ស៊ី ត្រូវបាន សរសេរដោយសហរដ្ឋអាមេរិក។ 

ការអះអាងនេះកើតឡើងបន្ទាប់ពីសមាជិកព្រឹទ្ធសភាមួយក្រុមបាននិយាយថា ពួកគេត្រូវបានប្រាប់ដោយលោក Rubio ថាសេចក្តីព្រាង ដែលបុគ្គលម្នាក់បាននិយាយថា រូបលោកបានពិពណ៌នាថាជា "បញ្ជីបំណងប្រាថ្នា" របស់រុស្ស៊ី  មិនបានឆ្លុះបញ្ចាំងពីជំហររបស់ទីក្រុងវ៉ាស៊ីនតោនទេ។   

ក្រោយមកលោក Rubio បានដកខ្លួនចេញពីការអះអាងទាំងនោះ ហើយបាននិយាយថាផែនការនេះបានមកពីសហរដ្ឋអាមេរិក ហើយត្រូវបានផ្អែកលើព័ត៌មាន ពីទាំងរុស្ស៊ី និងអ៊ុយក្រែន។ 

អន្តរាគមន៍របស់លោកបានកើតឡើង ខណៈលោកហោះហើរទៅកាន់ទីក្រុងហ្សឺណែវ ប្រទេសស្វីស ដើម្បីពិភាក្សាជាមួយមន្ត្រីសន្តិសុខអ៊ុយក្រែន និងអឺរ៉ុបលើផែនការនេះ ដែលប្រធានាធិបតីសហរដ្ឋអាមេរិក លោក Donald Trump បានអំពាវនាវឱ្យទីក្រុងគីវយល់ព្រមយ៉ាងឆាប់រហ័ស។

នៅថ្ងៃសៅរ៍ សមាជិកព្រឹទ្ធសភាមកពីគណបក្សសាធារណរដ្ឋ លោក Mike Rounds បាននិយាយថា លោក Rubio បានប្រាប់ក្រុមសមាជិកសភាថា សេចក្តីព្រាងផែនការនេះមិនមែនជាគោលនយោបាយរបស់សហរដ្ឋអាមេរិកទេ ៕