ក្រុមកាំភ្លើងធំរបស់អ៊ុយក្រែនបានបាញ់គ្រាប់ផ្លោងពីកាំភ្លើងធំ M109A5 ដែលផ្គត់ផ្គង់ដោយសហរដ្ឋអាមេរិកនៅជិតក្រុង Pokrovsk ខណៈការប្រយុទ្ធគ្នាបានផ្ទុះឡើងនៅក្នុងតំបន់ Donetsk ភាគខាងកើត។

មេបញ្ជាការអង្គភាព លោក Vitalii Traikalo អាយុ៣៣ឆ្នាំ បាននិយាយថា កងទ័ពរបស់លោកនឹងមិនទទួលយកកិច្ចព្រមព្រៀងសន្តិភាពណាមួយដែលពាក់ព័ន្ធនឹងការប្រគល់ទឹកដីនោះទេ ដោយអះអាងថាការផ្តល់សម្បទានដីបែបនេះនឹងធ្វើឱ្យការលះបង់របស់ពួកគេគ្មានន័យ។

លោកបាននិយាយបន្ថែមថា រុស្ស៊ីមិនអាចទុកចិត្តបានទេ បន្ទាប់ពីបានបំពានការធានាសន្តិសុខកន្លងមក។ យោបល់ទាំងនេះធ្វើឡើង ខណៈការពិភាក្សាជាអន្តរជាតិនៅតែបន្តជុំវិញក្របខ័ណ្ឌដែលអាចកើតមានសម្រាប់ការបញ្ចប់ជម្លោះដ៏បង្ហូរឈាមបំផុតនៅអឺរ៉ុប ចាប់តាំងពីសង្គ្រាមលោកលើកទី២។

មន្ត្រីមកពីសហភាពអឺរ៉ុប សហរដ្ឋអាមេរិក និងអ៊ុយក្រែន បានជួបប្រជុំគ្នានៅទីក្រុងហ្សឺណែវកាលពីថ្ងៃអាទិត្យ ទី២៣ ខែវិច្ឆិកា ដើម្បីពិភាក្សាអំពីសេចក្តីព្រាងផែនការដែលបង្ហាញដោយទីក្រុងវ៉ាស៊ីនតោន ដើម្បីបញ្ចប់សង្គ្រាមនៅអ៊ុយក្រែន។

ទីក្រុងគីវ និងសម្ព័ន្ធមិត្តរបស់ខ្លួន បានសម្តែងការព្រួយបារម្ភអំពីអ្វីដែលពួកគេនិយាយថាជាការផ្តល់ម្បទានដីដ៏សំខាន់ទៅឲ្យអ្នកឈ្លានពានរុស្ស៊ី។