រដ្ឋមន្ត្រីការបរទេសអូម៉ង់ លោក Badr Albusaidi បានពិភាក្សាអំពីកិច្ចខិតខំប្រឹងប្រែងផ្នែកការទូតឆ្ពោះទៅរកការដោះស្រាយស្ថានភាពជុំវិញកម្មវិធីនុយក្លេអ៊ែររបស់អ៊ីរ៉ង់ ជាមួយសមភាគីអ៊ីរ៉ង់របស់ខ្លួន គឺលោក Abbas Araghchi នៅទីក្រុង Muscat។

ប្រមុខការទូតរបស់ប្រទេសអូម៉ង់ បានសរសេរនៅក្នុងសារមួយនៅលើបណ្តាញសង្គម X កាលពីល្ងាចថ្ងៃអាទិត្យថា៖«យើងបានពិភាក្សាអំពីការវិវត្តក្នុងតំបន់ និងអន្តរជាតិ រួមទាំងកិច្ចខិតខំប្រឹងប្រែងទាក់ទងនឹងកម្មវិធីរបស់អ៊ីរ៉ង់សម្រាប់ការអភិវឌ្ឍថាមពលនុយក្លេអ៊ែរ ដើម្បីគោលបំណងសន្តិភាព»។

នៅក្នុងឆ្នាំ ២០២៥នេះ កិច្ចចរចាចំនួន ៥ជុំ រវាងអ៊ីរ៉ង់ និងសហរដ្ឋអាមេរិកលើបញ្ហានុយក្លេអ៊ែរ ដែលធ្វើឡើងជាមួយនឹងការសម្របសម្រួលរបស់ប្រទេសអូម៉ង់ បានបញ្ចប់ដោយគ្មានលទ្ធផល ចំពេលមានការវាយប្រហាររបស់អ៊ីស្រាអែលប្រឆាំងនឹងសាធារណរដ្ឋឥស្លាម និងការវាយប្រហារតាមអាកាសរបស់សហរដ្ឋអាមេរិកលើរោងចក្រនុយក្លេអ៊ែរអ៊ីរ៉ង់។ នៅថ្ងៃទី ២០ ខែវិច្ឆិកា ដើម្បីឆ្លើយតបទៅនឹងចំណាត់ការរបស់ទីភ្នាក់ងារថាមពលបរមាណូអន្តរជាតិ (IAEA) ដើម្បីអនុម័តសេចក្តីសម្រេចប្រឆាំងអ៊ីរ៉ង់មួយផ្សេងទៀត ទីក្រុងតេអេរ៉ង់ បានជូនដំណឹងដល់អង្គការឃ្លាំមើលនុយក្លេអ៊ែររបស់អង្គការសហប្រជាជាតិថា ខ្លួនកំពុងបញ្ចប់កិច្ចព្រមព្រៀងដែលខ្លួនបានចុះហត្ថលេខាពីមុន នៅទីក្រុងគែរនៃប្រទេសអេហ្ស៊ីប ដែលអនុញ្ញាតឲ្យ IAEA បន្តការត្រួតពិនិត្យនោះ៕