ពលរដ្ឋវ៉េណេស៊ុយអេឡានៅទីក្រុងការ៉ាកាសបានសម្តែងការព្រួយបារម្ភអំពីភាពតានតឹងកាន់តែខ្លាំងឡើងជាមួយសហរដ្ឋអាមេរិកកាលពីថ្ងៃចន្ទ ទី២៤ ខែវិច្ឆិកា មួយថ្ងៃបន្ទាប់ពីទីក្រុងវ៉ាស៊ីនតោនបានកំណត់ជាផ្លូវការនូវ ក្រុម «Cartel of the Suns» ដែលត្រូវបានចោទប្រកាន់ថាជាអង្គការភេរវកម្មបរទេស។

ការកំណត់ដោយរដ្ឋមន្ត្រីការបរទេសអាមេរិក លោក Marco Rubio បានបង្កើនការព្រួយបារម្ភអំពីសកម្មភាពយោធាដែលអាចកើតមានរបស់សហរដ្ឋអាមេរិក ទោះបីជាអ្នកជំនាញទណ្ឌកម្មនិយាយថា ច្បាប់មិនអនុញ្ញាតឱ្យមានចំណាត់ការបែបនេះក៏ដោយ នេះបើយោងតាមការរាយការណ៍របស់សារព័ត៌មាន Reuters។

រដ្ឋាភិបាលប្រទេសវ៉េណេស៊ុយអេឡា បានបដិសេធ ជាអ្វីដែលរដ្ឋមន្ត្រីការបរទេស លោក Yvan Gil ហៅថាជាការកំណត់ «ក្រុមគ្មានវត្តមានបែបនេះ» ជារឿង «គួរឱ្យអស់សំណើច» ដោយចោទប្រកាន់សហរដ្ឋអាមេរិកថា បានប្រឌិតរឿងស្របច្បាប់ដើម្បីផ្លាស់ប្តូររបប។