អាជ្ញាធរសុខាភិបាលក្នុងតំបន់ បាននិយាយកាលពីថ្ងៃចន្ទថា សិស្សចំនួន ២៣ នាក់ នៅក្នុងខេត្ត Bursa ភាគពាយ័ព្យនៃប្រទេសទួរគី ត្រូវបានបញ្ជូនទៅមន្ទីរពេទ្យ បន្ទាប់ពីមានអាការៈឈឺពោះ និងក្អួតចង្អោរ។

យោងតាមសេចក្តីថ្លែងការណ៍មួយដែលចេញដោយមន្ទីរសុខាភិបាលខេត្ត Bursa នៅលើបណ្តាញសង្គម X សិស្សដែលរងផលប៉ះពាល់ចំនួន ២៣នាក់ មកពីសាលាបឋមសិក្សា Soloz បានបរិភោគសាច់មាន់ បំពង និងប៉ាស្តា ដែលរៀបចំដោយសិស្សនៃវិទ្យាល័យវិជ្ជាជីវៈនារី Erenler ក្នុងស្រុក Orhangazi។

សេចក្តីថ្លែងការណ៍នេះ បានឲ្យដឹងថា កុមារដែលរងផលប៉ះពាល់ ត្រូវបានបញ្ជូនទៅមន្ទីរពេទ្យ ដើម្បីព្យាបាល ដោយបន្ថែមថា ស្ថានភាពទូទៅរបស់ពួកគេ ត្រូវបានរាយការណ៍ថា ស្ថិតនៅនឹង។

សេចក្តីថ្លែងការណ៍ បានបញ្ជាក់ថា បន្ទាប់ពីហេតុការណ៍នេះ ក្រុមមកពីមន្ទីរពេទ្យស្រុក និងការិយាល័យ កសិកម្ម និងរុក្ខាប្រម៉ាញ់ស្រុក ត្រូវបានបញ្ជូនទៅសាលាទាំងពីរ ដើម្បីប្រមូលសំណាកទឹក និងអាហារ និងធ្វើការស៊ើបអង្កេតរោគរាតត្បាត៕