ស្ថានទូតប៉ាគីស្ថានប្រចាំទីក្រុងមូស្គូបានប្រាប់សារព័ត៌មាន TASSថា ក្នុងអំឡុងពេលជួបជាមួយឯកអគ្គរដ្ឋទូតប៉ាគីស្ថានប្រចាំប្រទេសរុស្ស៊ី លោក Faisal Niaz Tirmizi លោកប្រធានាធិបតី Asif Ali Zardari បានសង្កត់ធ្ងន់លើសារៈសំខាន់នៃកិច្ចសហប្រតិបត្តិការជាមួយរុស្ស៊ីលើបញ្ហាការពារជាតិ និង តំបន់។ 

ស្ថានទូតបាននិយាយនៅក្នុងសេចក្តីថ្លែងការណ៍មួយថា៖«លោកប្រធានាធិបតី Zardari បានសង្កត់ធ្ងន់លើការចូលរួមកាន់តែជិតស្និទ្ធជាមួយថ្នាក់ដឹកនាំរុស្ស៊ីលើបញ្ហាក្នុងតំបន់ រួមទាំងការប្រឆាំងភេរវកម្ម»។ “«លោកក៏បានលើកទឹកចិត្តដល់កិច្ចសហការក្នុងការអប់រំកម្រិតឧត្តមសិក្សា ការស្រាវជ្រាវ លំហអាកាស    បច្ចេកវិទ្យាឌីជីថល ការពារជាតិ ការផលិតអាវុធ និងការផ្សព្វផ្សាយទៅកាន់ស្ថាប័នរុស្ស៊ីសម្រាប់អាហារូបករណ៍ និងឱកាសបណ្តុះបណ្តាលសម្រាប់និស្សិត និងអ្នកជំនាញប៉ាគីស្ថាន»។

ស្ថានទូតបានបន្លែមថា លោក Asif Ali Zardari ក៏បានគូសបញ្ជាក់ពីសារៈសំខាន់នៃប្រទេសរុស្ស៊ី ក្នុងនាមជាប្រទេសដៃគូរបស់ប៉ាគីស្ថានផងដែរ។

អ្នកការទូតប៉ាគីស្ថានរូបនេះ បាននិយាយថា៖«លោកបានសង្កត់ធ្ងន់លើសារៈសំខាន់នៃការផ្លាស់ប្តូរវប្បធម៌ ទេសចរណ៍ និងការគាំទ្រសម្រាប់សហគមន៍ប៉ាគីស្ថាននៅប្រទេសរុស្ស៊ី ក៏ដូចជាការចូលរួមជាមួយប្រព័ន្ធផ្សព្វផ្សាយ និងវិទ្យាស្ថានស្រាវជ្រាវរបស់រុស្ស៊ី ដើម្បីបង្ហាញពីទស្សនៈរបស់ប៉ាគីស្ថាន»៕