នៅក្នុងតំបន់កាន់កាប់ West Bank ក៏ដូចជានៅក្នុងតំបន់ហ្កាហ្សាដែរ គោលនយោបាយរបស់អ៊ីស្រាអែលកំពុងបង្ខំប្រជាជនប៉ាឡេស្ទីនរាប់ពាន់នាក់ឱ្យចាកចេញពីលំនៅឋានរបស់ពួកគេ ជាការប្រឆាំងទៅនឹងច្បាប់អន្តរជាតិ។

របាយការណ៍មួយដែលបានចេញផ្សាយកាលពីសប្តាហ៍មុនដោយអង្គការឃ្លាំមើលសិទ្ធិមនុស្ស (HRW) បានបញ្ជាក់ពីការបណ្តេញប្រជាជនប៉ាឡេស្ទីនចំនួន៣២.០០០នាក់ចេញពីលំនៅឋានរបស់ពួកគេនៅក្នុងជំរំជនភៀសខ្លួនចំនួនបីកន្លែងនៅឆ្នាំនេះ។ អង្គការឃ្លាំមើលសិទ្ធិមនុស្ស (HRW) និយាយថា ប្រតិបត្តិការរបស់អ៊ីស្រាអែលនៅក្នុងជំរំជនភៀសខ្លួនJenin, Nur Shams និង Tulkarem ដែលបានចាប់ផ្តើមក្នុងក្នុងខែមករា បាននាំឱ្យមានការជម្លៀសប្រជាជនប៉ាឡេស្ទីនទ្រង់ទ្រាយធំបំផុតនៅក្នុងតំបន់ West Bank ចាប់តាំងពីឆ្នាំ១៩៦៧មក។

ការជម្លៀស កើតឡើងនៅពេលដែលអំពើហិង្សារបស់អ៊ីស្រាអែលកំពុងកើនឡើងនៅក្នុងតំបន់ West Bank ជាកន្លែងដែលប្រជាជនប៉ាឡេស្ទីនជាង១.០០០នាក់ត្រូវបានសម្លាប់ដោយអ៊ីស្រាអែលចាប់តាំងពីថ្ងៃទី៧ ខែតុលា ឆ្នាំ២០២៣ និងការចាប់ផ្តើមនៃសង្គ្រាមប្រល័យពូជសាសន៍របស់អ៊ីស្រាអែលនៅតំបន់ហ្កាហ្សា ហើយជនជាតិអ៊ីស្រាអែលដែលរស់នៅក្នុងទីតាំងលំនៅខុសច្បាប់បានចាប់ផ្តើមការវាយប្រហារដោយហិង្សាកាន់តែខ្លាំងឡើងលើប្រជាជនប៉ាឡេស្ទីន។