​​ស៊ូដង់៖ កងកម្លាំង​សន្តិសុខ​​ស៊ូដង់កាលពី​ថ្ងៃ​ព្រហស្បតិ៍​បាន​ប្រើ​ឧស្ម័ន​បង្ហូរទឹកភ្នែក ដើម្បីព្យាយាមបំបែក​ក្រុម​បាតុក​រដែ​ល​បាន​ធ្វើ​បាតុកម្មក្នុង​រដ្ឋធានី​ ដើម្បី​តវ៉ា​ចំពោះ​រដ្ឋប្រហារ​។​ ​ប្រទេស​ស៊ូដង់​បាន​ធ្លាក់​ចូល​ទៅ​ក្នុង​ភាព​ចលាចល ជាមួយ​នឹង​ការ​តវ៉ា​តាម​ដង​ផ្លូវ​ជា​រៀងរាល់ថ្ងៃ ចាប់តាំងពី​ការ​ចូល​កាន់កាប់​កាល​ខែ​តុលា​ដោយ​យោធា​។

រដ្ឋប្រហារ​បាន​ផ្អាក​ការ​ផ្លាស់ប្ដូរ​របស់​ប្រទេសស៊ូដង់ ​ទៅ​រក​ការគ្រប់គ្រង​តាម​បែប​លទ្ធិប្រជាធិបតេយ្យ ដែល​បាន​ចាប់ផ្ដើម​បន្ទាប់ពី​ភាព​ឯកោ​អស់​រយៈពេល​ ៣​ទសវត្សរ៍​ក្រោម​ការដឹកនាំ​របស់​អតីត​ប្រធានាធិបតីលោក​ Omar al-Bashir​។​ ក្រុម​បាតុករទាមទារ​ឲ្យ​មានការ​បង្កើត​រដ្ឋាភិបាល​ស៊ីវិល​ពេញលេញ​ដើម្បី​ដឹកនាំ​អន្តរកាល​។​ ​ការ​តវ៉ា​នេះ​បាន​ធ្វើឡើង​នៅ​ពេល​ដែល​បេសកជន ​របស់​អង្គការសហប្រជាជាតិប្រចាំ​ប្រទេស​ស៊ូដង់ធ្វើ​ទស្សនកិច្ច​ក្នុង​រដ្ឋធានី ​ដើម្បី​ពិភាក្សា​ពី​បញ្ហា​របស់​ប្រទេស​។​

​លោក Volker Perthes បាន​ជួប​ជាមួយ​ប្រធាន​ក្រុមប្រឹក្សា​អធិបតេយ្យភាពឧត្ដមសេនីយ៍ Abdel-Fattah Burhan។ បេសកជន​ដែល​ដឹកនាំបេសកកម្ម​ជំនួយ​អន្តរកាល​រួម​បាន​និយាយ​ថា ពួកគេ​បាន​ពិភាក្សា​អំពី​ច្រក​ឆ្ពោះ​ទៅ​មុខ​សម្រាប់​ប្រទេស​ស៊ូដង់​។​ លោក Perthes និយាយ​ថា លោក​បាន​និយាយ​ទៅកាន់លោក ​Burhan អំពី​ភាព​ចាំបាច់​នៃ​ការ​បង្កើត​បរិយាកាស​សមស្រប ដើម្បី​ដោះស្រាយ​វិបត្តិ​៕

អត្ថបទ៖ ប៊ុនថន