ប្រធានាធិបតីរុស្ស៊ី លោក វ្ល៉ាឌីមៀ ពូទីន បានចុះហត្ថលេខាលើក្រឹត្យមួយ ដើម្បីអនុម័តយុទ្ធសាស្ត្រគោលនយោបាយជាតិរបស់រុស្ស៊ី រហូតដល់ឆ្នាំ ២០២៦។

ឯកសារនេះ មានបទប្បញ្ញត្តិចំនួន ៦១ ដែលចែកជា ៦ផ្នែក។ ក្រៅពីបទប្បញ្ញត្តិទូទៅ ឯកសារនេះ មានការស្ទង់មតិអំពីទំនាក់ទំនងអន្តរជនជាតិភាគតិចបច្ចុប្បន្ន នៅក្នុងប្រទេសរុស្ស៊ី។ ផ្នែកផ្សេងទៀត ត្រូវបានផ្តោតទៅលើគោលដៅ គោលការណ៍ និងអាទិភាពនៃគោលនយោបាយជាតិរបស់ប្រទេសនេះ ក៏ដូចជាការអនុវត្តគោលនយោបាយជាតិ នៅក្នុងតំបន់រុស្ស៊ី។ ឯកសារនេះ ក៏មានចំនួនគោលដៅផងដែរ។

ស្របតាមឯកសារ យុទ្ធសាស្ត្រនេះ ត្រូវបានរៀបចំឡើងដើម្បី «រក្សាឯកភាពជាតិនិងបូរណភាពទឹកដីដែលបានបង្កើតឡើងជាប្រវត្តិសាស្ត្ររបស់រុស្ស៊ី ស្ថិរភាពក្នុងស្រុករបស់ខ្លួន ការអភិវឌ្ឍប្រកបដោយសុខដុមរមនា និងវិបុលភាពរបស់ប្រជាជនរុស្ស៊ី និងដើម្បីពង្រឹងសាមគ្គីភាពនៃចំនួនប្រជាជនចម្រុះជនជាតិរបស់រុស្ស៊ី (ប្រជាជាតិរុស្ស៊ី) ជាមូលដ្ឋានគ្រឹះសម្រាប់រដ្ឋអរិយធម៌តែមួយគត់»។

យុទ្ធសាស្ត្រនេះ ត្រូវបានពិពណ៌នាថា ជាឯកសារនៃផែនការយុទ្ធសាស្ត្រនៅក្នុងវិស័យសន្តិសុខជាតិរបស់   រុស្ស៊ី ដែលមានលក្ខណៈស្មុកស្មាញក្នុងវិស័យសង្គម។ គោលបំណងរបស់វា គឺដើម្បីជួយភ្នាក់ងាររដ្ឋាភិបាលក្នុងការបង្កើតវិធីសាស្រ្តរួមចំពោះគោលនយោបាយជាតិរបស់ប្រទេសរុស្ស៊ី ដោយសហការជាមួយស្ថាប័នសង្គមស៊ីវិល៕