ទាហានឆ្មាំជាតិពីរនាក់ត្រូវបានគេបាញ់កាលពីថ្ងៃពុធ ទី២៦ ខែវិច្ឆិកា នៅជិតសេតវិមាន ជាអ្វីដែលមន្ត្រីបានពិពណ៌នាថាជាការវាយប្រហារកំណត់គោលដៅ ហើយជនសង្ស័យត្រូវបានឃុំខ្លួននៅមន្ទីរឃុំឃាំងបន្ទាប់ពីរងរបួសដោយគ្រាប់កាំភ្លើងក្នុងអំឡុងពេលកើតហេតុ។

លោកប្រធានាធិបតី Donald Trump កំពុងស្ថិតនៅរដ្ឋ Florida នៅពេលមានការវាយប្រហារ ដែលជំរុញឱ្យសេតវិមានត្រូវបិទខ្ទប់ ខណៈការអនុវត្តច្បាប់ពីទីភ្នាក់ងារសហព័ន្ធ និងក្រុងជាច្រើន បានហ៊ុមព័ទ្ធតំបន់នោះ។

លោក Jeff Carroll ជំនួយការនគរបាលទីក្រុងបាននិយាយថា ជនសង្ស័យបានចូលមកជិត ហើយចាប់ផ្តើមបាញ់ទៅលើទាហានឆ្មាំជាតិ ដែលកំពុងដើរល្បាត។ លោក Kash Patel នាយក FBI បាននិយាយនៅក្នុងសន្និសីទសារព័ត៌មានថា ជនរងគ្រោះទាំងពីរស្ថិនាក់ក្នុងស្ថានភាពធ្ងន់ធ្ងរ។

មូលហេតុនៃការបាញ់ប្រហារនេះនៅមិនទាន់ច្បាស់លាស់ភ្លាមៗនៅឡើយ ហើយមន្ត្រីបាននិយាយថា ការស៊ើបអង្កេតកំពុងស្ថិតក្នុងដំណាក់កាលដំបូង។

ការបាញ់ប្រហារនេះបានកើតឡើងនៅជិតទីលាន Farragut ជាទីតាំងទទួលទានអាហារថ្ងៃត្រង់ដ៏ពេញនិយមសម្រាប់បុគ្គលិកការិយាល័យ ដែលស្ថិតនៅជិតសេតវិមាន។