លោក Pete Hegseth ប្រមុខមន្ទីរបញ្ចកោណ បាននិយាយកាលពីថ្ងៃពុធថា លោកប្រធានាធិបតី Donald Trump បានស្នើសុំឱ្យដាក់ពង្រាយកងទ័ពចំនួន៥០០នាក់បន្ថែមទៀតទៅកាន់ទីក្រុងវ៉ាស៊ីនតោនឌី.ស៊ី បន្ទាប់ពីសមាជិកឆ្មាំជាតិពីរនាក់ត្រូវបានគេបាញ់នៅក្នុងទីក្រុងនេះ។

លោក Hegseth បាននិយាយថា «រឿងនេះ បានកើតឡើងត្រឹមតែប៉ុន្មានជំហានប៉ុណ្ណោះពីសេតវិមាន ហើយវានឹងមិនអាចទ្រាំទ្របានឡើយ នោះហើយជាមូលហេតុដែលលោកប្រធានាធិបតី Trump បានស្នើសុំខ្ញុំ ហើយខ្ញុំនឹងស្នើសុំរដ្ឋមន្ត្រីកងទ័ពឆ្មាំជាតិ ឲ្យបន្ថែមកងទ័ពចំនួន៥០០នាក់ទៀត ជាទាហានឆ្មាំជាតិ ទៅកាន់ទីក្រុងវ៉ាស៊ីនតោនឌី.ស៊ី»។

បន្ទាប់ពីការបាញ់ប្រហារ សមាជិកឆ្មាំជាតិផ្សេងទៀត អាចបង្ក្រាបជនសង្ស័យបាន។ លោក Kash Patel នាយក FBI បាននិយាយថា ទាហានរងរបួសពីរនាក់ស្ថិតក្នុងស្ថានភាពធ្ងន់ធ្ងរ ហើយមន្ត្រីបាននិយាយថា ពួកគេជឿថា ខ្មាន់កាំភ្លើងបានធ្វើសកម្មភាពនេះតែម្នាក់ឯង។