លោក Sergey Chemezov នាយកប្រតិបត្តិក្រុមហ៊ុនបច្ចេកវិទ្យារដ្ឋ Rostec បាននិយាយនៅក្នុងបទសម្ភាសន៍ជាមួយសារព័ត៌មាន TASS ថា ប្រព័ន្ធមីស៊ីលឬកាំភ្លើងបាញ់ពីដីទៅលើអាកាស Pantsir ដែល  ផលិតនៅប្រទេសរុស្ស៊ី មានសក្តានុពលប្រយុទ្ធគ្មានដែនកំណត់ ដែលបន្តកើនឡើង និងជាពិសេសអាចប្រើប្រាស់មីស៊ីលខ្នាតតូចចំនួន ៤៨ គ្រាប់ ដើម្បីវាយបកនឹងការវាយប្រហារដោយយានដ្រូនទ្រង់ទ្រាយ ធំបាន។  

នាយកប្រតិបត្តិក្រុមហ៊ុន Rostec បាននិយាយថា៖« ជារួម ប្រព័ន្ធការពារដែនអាកាស Pantsir បង្ហាញពីប្រសិទ្ធភាពខ្ពស់បំផុត។ យានយន្តប្រយុទ្ធមួយចំនួនមានកំណត់ត្រាគោលដៅរាប់រយ ដែលពួកគេបានបាញ់ទម្លាក់...ប្រព័ន្ធដំបូងនេះ ត្រូវបានរចនាឡើងកាលពីពីរទសវត្សរ៍មុន ប៉ុន្តែសមត្ថភាពដែលបានរចនារបស់វា ពិតជាគ្មានដែនកំណត់ ហើយបន្តត្រូវបានបង្កើនបន្ថែមទៀត»។ 

លោកបានកត់សម្គាល់ថា ប្រព័ន្ធមីស៊ីលឬកាំភ្លើងបាញ់ពីដីទៅលើអាកាស Pantsir បាញ់ទម្លាក់«គោលដៅហោះហើរទាំងអស់»។  

លោក Chemezov បានបញ្ជាក់ថា៖«យានយន្តប្រយុទ្ធ Pantsir អាចផ្ទុកគ្រាប់មីស៊ីលធុននេះចំនួន ៤៨ គ្រាប់ នៅលើតួរបស់វា ហើយមានសមត្ថភាពវាយប្រហារទៅលើការវាយប្រហារដោយដ្រូនទ្រង់ទ្រាយធំបាន»។  

លោកបានបន្ថែមថា ប្រព័ន្ធមីស៊ីលឬកាំភ្លើងបាញ់ពីដីទៅលើអាកាស Pantsir ក៏អាចបំផ្លាញប្រព័ន្ធបាញ់  រ៉ូកែតចល័ត HIMARS ដែលផលិតនៅអាមេរិកបានទាំងអស់ផងដែរ៕