នៅព្រឹកថ្ងៃទី២៧ ខែវិច្ឆិកា ឆ្នាំ២០២៥នេះ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានអញ្ជើញចូលជួបសម្តែងការគួរសមចំពោះ ឯកឧត្តមបណ្ឌិត សនសៃ ស៊ីផាន់ដន នាយករដ្ឋមន្ត្រីឡាវ នៅទីក្រុងវៀងចន្ទន៍ ប្រទេសឡាវ។

ឯកឧត្តមឧបនាយករដ្ឋមន្ត្រី សម្តែងនូវការពេញចិត្តចំពោះមិត្តភាពទ្វេភាគីដ៏ខ្លាំងក្លាគ្រប់វិស័យ រួមមាន៖ ពាណិជ្ជកម្ម ការវិនិយោគ ថាមពល ការតភ្ជាប់ និងការដឹកជញ្ជូន ដែលទាំងអស់នេះជាមូលដ្ឋានគ្រឹះសម្រាប់ការកសាងអនាគតដ៏រឹងមាំនិង វិបុលភាពសម្រាប់ប្រទេសទាំងពីរ។