យោធាប្រទេសអ៊ីស្រាអែល បានវាយប្រហារជាបន្តបន្ទាប់ប្រឆាំងក្រុមហេសបូឡានៅភាគខាងត្បូងប្រទេសលីបង់ កាលពីថ្ងៃព្រហស្បតិ៍ ទី២៧ ខែវិច្ឆិកា ដែលបទឈប់បាញ់ជាមួយក្រុមសកម្មប្រយុទ្ធមានរយៈពេលមួយឆ្នាំ។ ទីភ្នាក់ងារសារព័ត៌មានជាតិរបស់រដ្ឋលីបង់បានរាយការណ៍ថា យន្តហោះអ៊ីស្រាអែល បានបើកការវាយឆ្មក់ជាបន្តបន្ទាប់លើក្រុង Al-Mahmoudiya និងក្រុង Al-Jarmak ដែលស្ថិតនៅភាគខាងជើងទន្លេ Litani River ។

បទឈប់បាញ់កាលពីថ្ងៃទី២៧ ខែវិច្ឆិកា ឆ្នាំ២០២៤ បានព្យាយាមបញ្ចប់អរិភាពរយៈពេលជាងមួយឆ្នាំរវាងភាគីទាំងពីរ។ ប៉ុន្តែអ៊ីស្រាអែលបានទម្លាក់គ្រាប់បែកលើប្រទេសលីបង់ម្តងហើយម្តងទៀត ទោះបីជាមានបទឈប់បាញ់ក៏ដោយ ដែលជាធម្មតាពួកគេនិយាយថា កំពុងកំណត់គោលដៅលើសមាជិក និងហេដ្ឋារចនាសម្ព័ន្ធរបស់ក្រុមហេសបូឡា ដើម្បីបញ្ឈប់ក្រុមនេះពីការបំពាក់អាវុធឡើងវិញ។

នាយករដ្ឋមន្ត្រីលីបង់ លោក Nawaf Salam បាននិយាយថា ប្រទេសរបស់លោកកំពុងស្ថិតក្នុងសង្គ្រាមតែម្ខាងនៃការបំផ្លាញដែលកំពុងកើនឡើង។ យោធាអ៊ីស្រាអែលបាននិយាយថា ខ្លួនបានវាយប្រហារ និងរុះរើហេដ្ឋារចនាសម្ព័ន្ធក្រុមភេរវករហេសបូឡានៅក្នុងតំបន់ជាច្រើននៅភាគខាងត្បូងប្រទេសលីបង់។

យោធានិយាយថា ខ្លួនបានវាយប្រហារទៅលើ «ទីតាំងជាច្រើនកន្លែងដែលអាវុធរបស់ក្រុមហេសបូឡាត្រូវបានរក្សាទុក« និង«ប៉ុស្តិ៍យោធា» ដែលត្រូវបានប្រើប្រាស់ដោយក្រុមគាំទ្រដោយអ៊ីរ៉ង់ និងទីតាំងផ្ទុកអាវុធផ្សេងទៀត។ យោធាអ៊ីស្រាអែល នឹងបន្តប្រតិបត្តិការដើម្បីលុបបំបាត់ការគំរាមកំហែងណាមួយចំពោះរដ្ឋអ៊ីស្រាអែល។