រដ្ឋមន្ត្រីក្រសួងការពារជាតិប៉ូឡូញ លោក Wladyslaw Kosiniak-Kamysz បានប្រាប់អ្នកយកព័ត៌មានថាប្រទេសនេះ កំពុងធ្វើឲ្យប្រសើរឡើងនូវហេដ្ឋារចនាសម្ព័ន្ធយោធារបស់ខ្លួន ដោយរំពឹងថា នឹងមានការកើនឡើងនៃកងទ័ពអាមេរិក។

លោកបានថ្លែងនៅក្នុងសន្និសីទសារព័ត៌មានមួយដែលចាក់ផ្សាយដោយទូរទស្សន៍ TVP Info ថា៖«អាជ្ញាធរដឹកជញ្ជូននៃកងកម្លាំងប្រដាប់អាវុធ ត្រូវបានប្រគល់ភារកិច្ចឲ្យត្រៀមខ្លួនសម្រាប់ការបង្កើនកងទ័ពអាមេ   រិក នៅពេលណាមួយនោះ»។

នៅចុងខែឧសភា មន្ត្រីការពារជាតិជាន់ខ្ពស់រូបនេះ បានបញ្ជាក់ថា រដ្ឋាភិបាលប៉ូឡូញមានគម្រោងបែងចែកថវិកាចំនួន ២៥០ លានដុល្លារ ជារៀងរាល់ឆ្នាំ រហូតដល់ឆ្នាំ ២០៣៥ ដើម្បីអភិវឌ្ឍន៍ហេដ្ឋារចនាសម្ព័ន្ធយោធាអាមេរិក នៅក្នុងប្រទេសប៉ូឡូញ។ ទីក្រុងវ៉ាសូវីមានបំណងបង្កើនកន្លែងដែលមានស្រាប់ និងសាងសង់ទីលានហ្វឹកហាត់ថ្មី។

នៅដើមខែកញ្ញា ប្រធានាធិបតីអាមេរិក លោក ដូណាល់ ត្រាំ បានថ្លែងនៅឯសេតវិមាន ក្នុងអំឡុងពេលជួបជាមួយសមភាគីប៉ូឡូញ លោក Karol Nawrocki ថា សហរដ្ឋអាមេរិកត្រៀមខ្លួនពង្រីកក្រុមយោធារបស់ខ្លួន នៅក្នុងប្រទេសប៉ូឡូញ ប្រសិនបើទីក្រុងវ៉ាសូវីស្នើសុំ ហើយបន្ទាប់មក លោក Nawrocki បានបន្ថែមថា រដ្ឋមន្ត្រីក្រសួងការពារជាតិអាមេរិក លោក Pete Hegseth និងប្រមុខសន្តិសុខជាតិប៉ូឡូញ លោក Slawomir Cenckiewicz នឹងចាប់ផ្តើមព្រាងសំណើអំពីបញ្ហានេះ។

បច្ចុប្បន្នមានកងទ័ពអាមេរិកប្រហែល ១០.០០០ នាក់ ឈរជើងនៅប្រទេសប៉ូឡូញ៕