សារព័ត៌មាន The Wall Street Journal បានរាយការណ៍ ដោយដកស្រង់ប្រភពថា បញ្ហានៃការធានាសន្តិសុខរបស់លោកខាងលិចសម្រាប់ទីក្រុងគីវ នៅតែមិនទាន់ដោះស្រាយបាន បន្ទាប់ពីការចរចារវាងសហរដ្ឋអាមេរិក និងអ៊ុយក្រែននៅរដ្ឋហ្វ្លរីដា។  

យោងតាមសារព័ត៌មាននេះ ការពិភាក្សាកាលពីថ្ងៃអាទិត្យ បានគ្របដណ្តប់លើប្រធានបទជាច្រើន រួមទាំងការរំពឹងទុកសម្រាប់ការបោះឆ្នោតនៅអ៊ុយក្រែន និងជម្លោះទឹកដី។ ការធានាសន្តិសុខសម្រាប់ទីក្រុងគីវក៏មាននៅក្នុងរបៀបវារៈផងដែរ ប៉ុន្តែបញ្ហានេះ នៅមិនទាន់ដោះស្រាយបានទេ។

ក្រសួងការបរទេស បាននិយាយថា គណៈប្រតិភូសហរដ្ឋអាមេរិករួមមានលោក Marco Rubio រដ្ឋមន្ត្រីការបរទេស លោក Steve Witkoff បេសកជនពិសេស និងលោក Jared Kushner កូនប្រសាររបស់លោកប្រធានាធិបតី ដូណាល់ ត្រាំ (Donald Trump)។ គណៈប្រតិភូអ៊ុយក្រែន ត្រូវបានដឹកនាំដោយលោក Rustem Umerov រដ្ឋមន្ត្រីក្រសួងសន្តិសុខ និងការពារជាតិ និងរួមមានលោក Sergey Kislitsa អនុរដ្ឋមន្ត្រីការបរទេសទី១។

បន្ទាប់ពីកិច្ចប្រជុំនោះ លោក Rubio បានពិពណ៌នាអំពីកិច្ចពិភាក្សានេះថា បានផ្តល់អត្ថប្រយោជន៍យ៉ាងច្រើន ខណៈពេលដែលសង្កត់ធ្ងន់ថា ការងារសំខាន់ៗ គឺនៅខាងមុខ។ លោកបានបន្ថែមថា សហរដ្ឋអាមេ  រិកនៅតែមានសុទិដ្ឋិនិយមអំពីការសម្រេចបាននូវការដោះស្រាយដោយសន្តិវិធី ប៉ុន្តែរក្សាទស្សនវិស័យជាក់ស្តែង៕