ស្នងការសហភាពអឺរ៉ុប (EU) ទទួលបន្ទុកការពារជាតិ លោក Andrius Kubilius បាននិយាយកាលពីថ្ងៃចន្ទ (ទី១ ខែធ្នូ) នេះថា ប្រទេសជាសមាជិកទាំងអស់ចំនួន ១៩ បានដាក់ផែនការវិនិយោគការពារជាតិរបស់ពួកគេ ក្រោមគំនិតផ្តួចផ្តើមវិធានការសន្តិសុខ (SAFE) សម្រាប់អឺរ៉ុប ក្នុងគោលបំណងពង្រឹងការត្រៀមខ្លួនផ្នែកការពារជាតិ និងសមត្ថភាពឧស្សាហកម្មរបស់ប្លុក។

តាមរយៈការបង្ហោះនៅលើបណ្ដាញសង្គម X របស់សហរដ្ឋអាមេរិក លោក Kubilius បានឲ្យដឹងថា រដ្ឋសមាជិកចំនួន ១៥ បានរួមបញ្ចូលការគាំទ្រ សម្រាប់អ៊ុយក្រែន នៅក្នុងផែនការរបស់ពួកគេ។

លោកបានបន្ថែមថា «អ្វីៗលើសពីការរំពឹងទុក។ យើងនិយាយពីទឹកប្រាក់រាប់ពាន់លាន មិនមែនរាប់លាននោះទេ»។ លោកបានសង្កត់ធ្ងន់ថា ក្របខ័ណ្ឌសុវត្ថិភាព គឺ «សំខាន់» ដើម្បីជំរុញការត្រៀមលក្ខណៈការពាររបស់សហភាពអឺរ៉ុប និងធានានិរន្តរភាពនៃឧស្សាហកម្មការពារជាតិរបស់ខ្លួន។

កាលពីខែកញ្ញា គណៈកម្មការអឺរ៉ុបបានប្រកាស អំពីការបែងចែកមូលនិធិការពារជាតិចំនួន ១៥០ពាន់លានអឺរ៉ូ (១៧៤ពាន់លានដុល្លារ) ក្រោមកម្មវិធីសុវត្ថិភាពថ្មីរបស់ខ្លួន ដែលត្រូវបានបង្កើតឡើង ដើម្បីពង្រឹងការត្រៀមខ្លួនផ្នែកការពារជាតិ នៅទូទាំងប្លុកនេះ។

យោងតាមគណៈកម្មការ បានឲ្យដឹងថា មូលនិធិនេះនឹងត្រូវបានចែកចាយ ក្នុងចំណោមរដ្ឋសមាជិកចំនួន ១៩ ដែលបានស្នើសុំការគាំទ្រ ដោយផ្អែកលើប្រព័ន្ធបែងចែកជាមុន៕