ក្រុមអ្នកជួយសង្គ្រោះ និងស្ម័គ្រចិត្ត បានកំពុងប្រឹងប្រែងជួយមនុស្សរាប់លាននាក់ដែលរងផលប៉ះពាល់ដោយសារទឹកជំនន់និងបំណាក់ដី ក្នុងផ្នែកនានានៃតំបន់អាស៊ី ខណៈចំនួនអ្នកស្លាប់ផ្លូវការពីគ្រោះមហន្តរាយធម្មជាតិបង្កឡើងដោយបម្រែបម្រួលអាកាសធាតុនៅតែបន្ត បានកើនឡើងដល់ជាង១.៧៥០នាក់    នៅក្នុងបណ្ដាប្រទេសមួយចំនួនដែលរងគ្រោះខ្លាំងដូចជា ឥណ្ឌូនេស៊ី ស្រីលង្កា និងថៃ។

យោងតាមទិន្នន័យចុងក្រោយនៅថ្ងៃសៅរ៍នេះ នៅប្រទេសឥណ្ឌូនេស៊ី មនុស្សយ៉ាងហោចណាស់៨៦៧នាក់ ត្រូវបានបញ្ជាក់ថាបានស្លាប់ និង៥២១នាក់ នៅតែបាត់ខ្លួន ពីកោះស៊ូម៉ាត្រាក្នុងខេត្តអាឆេជាទីដែលមនុស្សជាង៨០០.០០០នាក់ត្រូវបានជម្លៀស។ 

នៅស្រី លង្ការដ្ឋាភិបាលបានបញ្ជាក់ថា មនុស្ស៦០៧នាក់ស្លាប់ និង២១៤នាក់ផ្សេងទៀត បាត់ខ្លួន និងត្រូវគេបារ្ភថាអាចស្លាប់ ។

ទឹកជំនន់នេះក៏បានឆក់យកជីវិតមនុស្សយ៉ាងហោចណាស់២៧៦នាក់ផងដែរក្នុងប្រទេសថៃ ខណៈមនុស្ស២នាក់ស្លាប់នៅម៉ាឡេស៊ី និង២នាក់នៅវៀតណាមក្រោយភ្លៀងធ្លាក់ខ្លាំងបង្កឲ្យមានបំណាក់ដីជាង២០លើក។

នៅកោះសូម៉ាត្រា ឥណ្ឌូនេស៊ី អ្នកនៅរស់រានមានជីវិតជាច្រើននៅតែកំពុងប្រឹងប្រែងងើបពីទឹកជំនន់និងបំណាក់ដី ដែលបានវាយប្រហារកាលពីសប្ដាហ៍មុន ៕