កែប៖ មនុស្សប្រុសស្រី ០៦នាក់ ដែលបានពាក់ព័ន្ធនឹងបុរសផ្ទុកវីរុសកូវីដ១៩ នៅក្នុងពិធីមង្គលការ ស្ថិតនៅក្នុងភូមិដំណាក់ទ្រព្យខាងជើង ឃុំក្រាំងស្នាយ ស្រុកឈូក ត្រូវបានរដ្ឋបាលស្រុកឈូកបញ្ជូនមកធ្វើចត្តាឡីស័ក នៅអគារសហគមន៍អ្នកផលិតអំបិលខេត្តកំពត-កែប។
អភិបាលស្រុកឈូកលោក ខៀវ រិទ្ធិភ័ណ្ឌ បានប្រាប់ឲ្យដឹងថា ក្រោយពីទទួលបានព័ត៌មានពីមន្ត្រីសុខាភិបាល នៅរាជធានីភ្នំពេញ ដែលបានរកឃើញបុរសម្នាក់វិជ្ជមានជំងឺកូវីដ-១៩ម្នាក់ ហើយបានមកចូលរួមក្នុងពិធីមង្គលការ នៅក្នុងស្រុកឈូក នៅម៉ោង ០៨និង៣០នាទីយប់ថ្ងៃទី១៤ ខែមីនា ឆ្នាំ២០២១ លោកបានដឹកនាំកម្លាំងចុះស្រាវជ្រាវរកទីតាំងរហូតបានដឹងថា ពិធីមង្គលការនោះ ស្ថិតនៅភូមិដំណាក់ទ្រព្យខាងជើង ឃុំក្រាំងស្នាយ ស្រុកឈូក។
លោកបានបន្តថា លុះព្រឹកថ្ងៃទី១៥ ខែមីនា ឆ្នាំ២០២១នេះ រដ្ឋបាលស្រុក និងមន្ត្រីជំនាញសុខាភិបាល បានរកឃើញអ្នកពាក់ព័ន្ធបុរសវិជ្ជមានកូវីដ១៩នោះ ចំនួន ០៦នាក់។ ទី១. ឈ្មោះ សុខ ប៉ូលីន ភេទប្រុស អាយុ៣១ឆ្នាំ រស់នៅភូមិដំណាក់ទ្រព្យខាងត្បូង ឃុំគ្រាំងស្នាយ ស្រុកឈូក ទី២.ឈ្មោះ លុន សាក់ ភេទប្រុស អាយុ ២៦ឆ្នាំ រស់នៅភូមិដំណាក់ទ្រព្យខាងជើង ឃុំគ្រាំងស្នាយ ស្រុកឈូក ទី៣. លុន ស ភេទប្រុស អាយុ ៣០ឆ្នាំ និងទី៤ សោ សុភា ភេទស្រី អាយុ ២៩ឆ្នាំ រស់នៅភូមិឃុំខាងលើ, ទី៥ មិន ផាន់ណូ ភេទ្យប្រុស អាយុ ៣៨ឆ្នាំ រស់នៅភូមិសត្វពង ឃុំសត្វពង ស្រុកឈូក និងទី៦ ប្រាក់កាន់ ភេទប្រុសអាយុ ៥២ឆ្នាំស្រង៉ែ ឃុំបឹងនិមល ស្រុកឈូក។
អ្នកពាក់ព័ន្ធទាំង ០៦នាក់ ត្រូវបានរដ្ឋបាលស្រុកឈូកបញ្ជូនមកធ្វើចត្តាឡីស័កនៅសហគមន៍អ្នកផលិតអំបិល ខេត្តកំពត.កែប នៅម៉ោង១ និង៣០នាទីថ្ងៃទី១៥ ខែមីនានេះ។
លោកអភិបាលស្រុកឈូក បានបញ្ជាក់ឲ្យដឹងទៀតថា រដ្ឋបាលស្រុកមិនទាន់មានការណែនាំណាមួយឲ្យមានការបិទភូមិដែលបានរៀបចំពីធីមង្គលការនោះនៅឡើយទេ ប៉ុន្តែ រដ្ឋបាលស្រុកឈូកបានប្រាប់ប្រជាពលរដ្ឋ ជាពិសេសអ្នកដែលបានចូលរួមពីធីមង្គលការទាំងអស់ ត្រូវធ្វើចត្តាឡីស័កនៅផ្ទះដោយខ្លួនឯងឲ្យបាន ១៤ថ្ងៃ ហើយអាជ្ញធរ និងបន្តតាមដានប្រជាពលរដ្ឋទាំងនោះយ៉ាងដិតដល់។
បុរសវិជ្ជមានកូវីដ១៩ មានឈ្មោះ លាន់ ឡា ភេទប្រុស អាយុ ២៣ឆ្នាំ ជនជាតិខ្មែរ ផ្ទះលេខ ១២០ ជាន់ទី០៤ ផ្លូវ ១០៥ សង្កាត់ បឹងកេងកងទី៣ ខណ្ឌចំការមន បានមកចូលរួមកម្មវិធីមង្គលការនៅស្រុកឈូក ខេត្តកំពត នៅថ្ងៃទី១៤ ខែមីនា ឆ្នាំ២០២១។
ដោយឡែក រដ្ឋបាលខេត្តកំពត នៅថ្ងៃទី១៥ ខែមិនានេះដែរ បានចេញលិខិតសម្រេចផ្អាកការរៀបចំពិធីមង្គលការ ពិធីជប់លៀង និងការជួបជុំតាមបែបសាសនានានាបណ្តោះអាសន្តក្នុងភូមិសាស្ត្រខេត្តកំពតផងដែរ៕ អត្ថទប៖ អាន សារីម
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
