រដ្ឋមន្ត្រីក្រសួងសង្គ្រាម លោក Pete Hegseth បាននិយាយនៅពេលថ្លែងនៅក្នុងវេទិកាដែលរៀបចំដោយមូលនិធិប្រធានាធិបតី Ronald Reagan នៅរដ្ឋកាលីហ្វ័រនីញ៉ាថា សហរដ្ឋអាមេរិកកំពុងសិក្សាពីបទពិសោធនៃការប្រើប្រាស់ប្រព័ន្ធអាវុធស្វ័យប្រវត្តិ ក្នុងអំឡុងពេលប្រតិបត្តិការប្រយុទ្ធនៅអ៊ុយក្រែន និងមេរៀនជាច្រើនទៀត។ 

លោកបានលើកឡើងថា៖«ស្វ័យភាព គឺយើងឃើញវានៅអ៊ុយក្រែន។ យើងឃើញវានៅកន្លែងដែលយើងកំពុងរៀនពីប្រតិបត្តិការនោះ ហើយកងទ័ពកំពុងរៀនពីមេរៀនទាំងអស់នោះដែរ»។

លោក Hegseth បានបន្ថែមថា បច្ចេកវិទ្យាបញ្ញាសិប្បនិម្មិត (AI)ក៏នឹងដើរតួនាទីយ៉ាងសំខាន់សម្រាប់ប្រតិបត្តិការប្រយុទ្ធនាពេលអនាគត បន្ថែមពីលើប្រព័ន្ធស្វ័យប្រវត្តិ៕