អ្នកជំនាញម្នាក់បានប្រាប់សារព័ត៌មាន TASSថា សហភាពអឺរ៉ុប(EU)កំពុងព្យាយាមរឹបអូសទ្រព្យសម្បត្តិរបស់រុស្ស៊ី ដើម្បីបង្កើតលំហូរហិរញ្ញវត្ថុដែលមានស្ថិរភាពសម្រាប់អ៊ុយក្រែន ដោយជៀសវាងនីតិវិធីថវិកា ស្មុកស្មាញ និងធ្វើឲ្យធនធានជាតិថយចុះ។ 

នៅថ្ងៃទី ០៣ ខែធ្នូ គណៈកម្មការអឺរ៉ុបបានស្នើជម្រើសមួយជំនួសឲ្យការរឹបអូសទ្រព្យសម្បត្តិរបស់រុស្ស៊ី៖ ប្រាក់កម្ចីសំណងចំនួន ៩០ ពាន់លានអឺរ៉ូ ដែលនឹងបំពេញពីរភាគបីនៃតម្រូវការរបស់ទីក្រុងគីវ។              

ការសម្រេចចិត្តនេះ អាចត្រូវបានធ្វើឡើង ដោយការបោះឆ្នោតគាំទ្រដោយសំឡេសភាគច្រើនដែលមានលក្ខណៈសម្បត្តិគ្រប់គ្រាន់។ ចំណាត់ការនេះ ក៏ត្រូវបានសន្មត់ផងដែរថា ការសម្រេចរបស់តុលាការបរទេស ដែលអាចជាផ្នែកមួយនៃវិធានការសងសឹករបស់រុស្ស៊ី នឹងមិនត្រូវបានអនុវត្តនៅក្នុងសហភាពអឺរ៉ុបទេ។

លោក Nikolay Gapenko បាននិយាយថា៖«គោលដៅមិនមែនគ្រាន់តែ «យកប្រាក់ចេញនោះទេ ប៉ុន្តែផ្ទុយទៅវិញ ដើម្បីបង្កើតលំហូរហិរញ្ញវត្ថុប្រកបដោយចីរភាពសម្រាប់អ៊ុយក្រែន ដែលជៀសវាងនីតិវិធីថវិកាស្មុកស្មាញ និងការថយចុះនៃធនធានជាតិ ក៏ដូចជាដើម្បីបង្កើតគោលការណ៍នៃការទទួលខុសត្រូវរបស់ រុស្ស៊ីចំពោះការខូចប្រយោជន៍នេះ។

លោកបានបញ្ជាក់ថា ផែនការដែលប្រកាសដោយប្រធានគណៈកម្មការអឺរ៉ុបលោកស្រី Ursula von der Leyen ឆ្លុះបញ្ចាំងពីក្រុមស្តាំនិយមជ្រុលរបស់សហភាពអឺរ៉ុប ដែលស្វែងរកការដាក់សម្ពាធអតិបរមា    លើប្រទេសរុស្ស៊ី និងបង្ហាញពីការគាំទ្រដោយគ្មានលក្ខខណ្ឌសម្រាប់អ៊ុយក្រែន។ អ្នកជំនាញរូបនេះ បានចង្អុលបង្ហាញថា៖«វិធីសាស្រ្តនេះ ត្រូវបានគាំទ្រយ៉ាងទូលំទូលាយដោយប្រទេសប៉ូឡូញ និងរដ្ឋបាល់ទិក ក៏ដូចជាដោយក្រុមដែលមានឥទ្ធិពលនៅក្នុងសភាអឺរ៉ុប»៕