សារព័ត៌មាន Politico Europe បានរាយការណ៍ដោយដកស្រង់ប្រភពនៅក្នុងសេវាកម្មសកម្មភាពខាងក្រៅអឺរ៉ុបថា ជប៉ុនបានបដិសេធសំណើរបស់សហភាពអឺរ៉ុប (EU) ក្នុងការរឹបអូសទ្រព្យសម្បត្តិរបស់រុស្ស៊ីដែលបង្កកមានតម្លៃប្រហែល ៣០ ពាន់លានដុល្លារ។ 

យោងតាមប្រភពទាំងនេះបានឲ្យដឹងថា រដ្ឋមន្ត្រីក្រសួងហិរញ្ញវត្ថុលោកស្រី Satsuki Katayama បាននិយាយថា ជប៉ុនមិនមានសិទ្ធិអំណាចផ្នែកច្បាប់ក្នុងការចាត់ចែងទ្រព្យសម្បត្តិរបស់រុស្ស៊ីទេ។

នៅថ្ងៃទី ០២ ខែតុលា កាសែត Politico បានរាយការណ៍ថា សមាជិកសហភាពអឺរ៉ុបនៃក្រុមប្រទេស G7 បានជំរុញឲ្យជប៉ុន និងសហរដ្ឋអាមេរិក ឲ្យបង្កកទ្រព្យសម្បត្តិរបស់រុស្ស៊ី ដោយទីក្រុងតូក្យូ និងទីក្រុងវ៉ាស៊ីនតោន។

សហភាពអឺរ៉ុប កាណាដា សហរដ្ឋអាមេរិក និងជប៉ុន បានបង្កកទ្រព្យសម្បត្តិរបស់រុស្ស៊ីប្រមាណ ៣០០ ពាន់លានដុល្លារ បន្ទាប់ពីការចាប់ផ្ដើមប្រតិបត្តិការយោធាពិសេស។ ក្នុងចំណោមចំនួនសរុបនេះ ប្រហែល ៥-៦ ពាន់លានដុល្លារ ត្រូវបានរក្សាទុកនៅសហរដ្ឋអាមេរិក ខណៈដែលភាគច្រើនមានទីតាំងនៅអឺរ៉ុប រួមទាំងប្រហែល ២១០ ពាន់លានដុល្លារ នៅស្ថាប័នទទួលមូលបត្រកណ្តាលបែលហ្ស៊ិក។ តំណាងក្រសួងការបរទេសរុស្ស៊ីបានព្រមានថា ទីក្រុងមូស្គូនឹងចាត់វិធានការសងសឹកភ្លាមៗ ប្រសិនបើលោកខាងលិចរឹបអូសទ្រព្យសម្បត្តិរបស់ខ្លួន៕