អាជ្ញាធររុស្ស៊ីបាននិយាយនៅថ្ងៃសុក្រនេះថា កម្ទេចកម្ទីពីយានដ្រូនមួយគ្រឿងរបស់អ៊ុយក្រែន បានវាយប្រហារលើអគារផ្ទះល្វែងមួយខ្នង នៅភាគពាយ័ព្យនៃទីក្រុងមូស្គូ បានបណ្តាលឲ្យមនុស្ស ៧នាក់ រងរបួស ខណៈដែលវាបានបង្កអគ្គិភ័យ។  

ការវាយប្រហារពេលយប់នៅទីក្រុង Tver មានចម្ងាយប្រហែល ១៨០ គីឡូម៉ែត្រពីរដ្ឋធានីរុស្ស៊ី បានកើតឡើង ចំពេលយុទ្ធនាការយានដ្រូនកាន់តែខ្លាំងឡើងដោយអ៊ុយក្រែន ខណៈដែលកិច្ចខិតខំប្រឹងប្រែងសន្តិភាព នៅតែបន្ត។

អភិបាលស្តីទីតំបន់ លោក Vitaly Korolyov បាននិយាយនៅលើបណ្តាញ Telegram ថា មនុស្សពេញ  វ័យចំនួន ៦នាក់ និងកុមារម្នាក់ បានរងរបួស និងមនុស្សប្រហែល ២០នាក់ ត្រូវបានជម្លៀសចេញពីអគារផ្ទះល្វែង នៅក្នុងទីក្រុងដែលមានប្រជាជនជាង ៤០០.000នាក់។

បាននិយាយថា`នៅទីក្រុង Tver យើងកំពុងប្រយុទ្ធប្រឆាំងនឹងផលវិបាកនៃការធ្លាក់កម្ទេចកម្ទីពីដ្រូនលើអគារលំនៅឋានមួយ»។

ទីភ្នាក់ងារសារព័ត៌មានរដ្ឋ Tass បានរាយការណ៍ថា កម្ទេចកម្ទីដ្រូន បានបង្កអគ្គិភ័យ នៅក្នុងផ្ទះល្វែងមួយ និងបង្អួចរបស់ផ្ទះល្វែងជាច្រើនផ្សេងទៀត ត្រូវបានបំផ្លាញ៕