ប្រធានមន្ទីរអប់រំ យុវជន និងកីឡា ខេត្តឧត្ដរមានជ័យ បានចុះទៅជំរំទួលសុវត្ថិភាពជនភៀសសឹក ដែលស្ថិតនៅស្រុកចុងកាល់ ដើម្បីជួបបុគ្គលិកអប់រំ និងសិស្សានុសិស្ស ព្រមទាំងមានការអញ្ជើញចូលរួមពី ឯកឧត្តម គង់ កន្នារឹទ្ធ អភិបាលរងខេត្ត ប្រចាំការគ្រប់គ្រងជំរំ ដោយបានចូលរួមណែនាំ សួរសុខទុក្ខ និងប្រគល់ជូននូវសម្ភារៈសិក្សាដល់គ្រូបង្រៀន និងសិស្សានុសិស្ស ។ 

សម្ភារៈដែលត្រូវចែកជូនរួមមាន សៀវភៅសិក្សាគោល ប៊ិក បន្ទាត់ ក្តារខៀន ហ្វឺត តង់ក្រាលពេលបង្រៀន អង្ករ អាវរងារ និងទឹកសុទ្ធ ដែលជាអំណោយរបស់ក្រសួងអប់រំ យុវជន និងកីឡា និងសប្បុរសជននានា ត្រូវបានប្រគល់ជូនក្រុមការងារអប់រំ យុវជន និងកីឡាស្រុក និងលោកនាយកចាត់ចែងផ្ទាល់ ពេលដំណើរការបង្រៀន នៅជំរំជាក់ស្តែង៕