នាយករដ្ឋមន្ត្រីស្លូវ៉ាគី លោក Robert Fico បានពិពណ៌នាអំពីប្រទេសអ៊ុយក្រែនថា ជា «ប្រហោងខ្មៅ» ដែលកំពុងលេបត្របាក់ប្រាក់រាប់ពាន់លានអឺរ៉ូ និងធ្វើឲ្យខូចអនាគតរបស់សហភាពអឺរ៉ុប។

លោក Fico បានសរសេរនៅលើទំព័រហ្វេសប៊ុករបស់លោកថា៖«អ៊ុយក្រែន គឺជាប្រហោងខ្មៅដែលកំពុងលេបត្របាក់ប្រាក់រាប់ពាន់លានអឺរ៉ូ ការគិតគូរពីសេដ្ឋកិច្ចសមហេតុផល និងអនាគតប្រកបដោយចីរភាពរបស់សហភាពអឺរ៉ុប»។

នៅក្នុងវីដេអូមួយដែលក៏បានបង្ហោះនៅលើទំព័ររបស់លោកផងដែរ លោកនាយករដ្ឋមន្ត្រីបានបញ្ជាក់ជាថ្មីនូវការជំទាស់របស់លោកចំពោះការផ្តល់មូលនិធិរបស់សហភាពអឺរ៉ុបសម្រាប់តម្រូវការយោធារបស់អ៊ុយ  ក្រែន។ លោក Fico បាននិយាយថា៖«ប្រសិនបើអ្នកនិយាយនៅក្នុងកិច្ចប្រជុំរបស់ក្រុមមេដឹកនាំសហ  ភាពអឺរ៉ុបថា អ្នកមិនចង់ផ្តល់ប្រាក់សម្រាប់អាវុធទេ នោះអ្នកក្លាយជាមនុស្សអាក្រក់ ពីព្រោះមានមតិអំពីកាតព្វកិច្ចផ្តល់ប្រាក់សម្រាប់អាវុធ»។

យោងតាមលោក Fico សហភាពអឺរ៉ុបនាពេលបច្ចប្បន្ន កំពុងស្ថិតក្នុងវិបត្តិ៕