រដ្ឋាភិបាលថ្មីរបស់នាយករដ្ឋមន្រ្តីឆេកលោក Andrej Babis បានឡើងកាន់អំណាចនៅថ្ងៃចន្ទនេះ បន្ទាប់ពីជ័យជំនះនៅការបោះឆ្នោតកាលពីខែតុលា គឺជាការផ្លាស់ប្តូរមួយទំនងជាធ្វើឲ្យទន់ខ្សោយការគាំទ្ររបស់ប្រទេសមួយនេះ សម្រាប់អ៊ុយក្រែន និងពង្រឹងក្រុមស្តាំនិយមរបស់សហភាពអឺរ៉ុប ។

លោក Babis គឺជាមហាសេដ្ឋីវ័យ ៧១ឆ្នាំ វិលត្រឡប់មកកាន់អំណាចវិញ ក្រោយរយៈពេល ៤ឆ្នាំនៃការប្រឆាំង ក្នុងនាមជាប្រធានក្រុមចម្រុះ រួមមានទាំងគណបក្ស SPD គឺជាគណបក្សស្តាំនិយមប្រឆាំងសហភាពអឺរ៉ុប និងគាំទ្ររុស្ស៊ី ហើយនិងគណបក្ស Motorists for Themselves ដែលរបៀបវារៈសំខាន់របស់ពួកគេ គឺប្រឆាំងគោលនយោបាយអាកាសធាតុរបស់សហភាពអឺរ៉ុប ។

នៅក្នុងពិធីស្បថចូលកាន់អំណាចរបស់ក្រុមលោក Babis លោកប្រធានាធិបតី Petr Pavel អំពាវនាវឲ្យមានក្រុមចម្រុះថ្មី ដើម្បីគ្រប់គ្រងដោយការទទួលខុសត្រូវ និងទទួលស្គាល់អត្ថប្រយោជន៍របស់អង្គការណាតូ និងសមាជិកភាពសហភាពអឺរ៉បចំពោះសាធារណរដ្ឋឆេក ដែលជាប្រទេសស្ថិតនៅភាគកណ្តាលអឺរ៉ុប មានពលរដ្ឋចំនួន ១០,៩លាននាក់ ។

ជំនួសរដ្ឋបាលគាំទ្រអ៊ុយក្រែន គាំទ្រសហភាពអឺរ៉ុប រដ្ឋាភិបាលរបស់លោក Babis នឹងរំកិលរបត់នយោបាយរបស់ឆេកទៅកាន់ស្តាំនិយម ៕