នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយកាលពីថ្ងៃពុធ ទី១៧ ខែធ្នូ ថា អ៊ីស្រាអែល បានអនុម័តកិច្ចព្រមព្រៀងឧស្ម័នធម្មជាតិជាមួយអេហ្ស៊ីប ដោយចាត់ទុកថា វាជាកិច្ចព្រមព្រៀងឧស្ម័ន «ធំបំផុតមិនធ្លាប់មាន»របស់ប្រទេស ដែលនឹងដាក់អ៊ីស្រាអែលជាមហាអំណាចថាមពលប្រចាំតំបន់ ដោយការពង្រឹងឋានៈរបស់ខ្លួន។

លោក Netanyahu បាននិយាយបន្ថែមថា កិច្ចព្រមព្រៀងនេះត្រូវបានធ្វើឡើងជាមួយក្រុមហ៊ុនអាមេរិក Chevron ដែលនឹងផ្គត់ផ្គង់ឧស្ម័នដល់ប្រទេសអេហ្ស៊ីប។ កិច្ចព្រមព្រៀង ដែលត្រូវបានពន្យារពេលដោយសារបញ្ហាមួយចំនួននៅសេសសល់ នឹងជួយធានាស្ថិរភាពនៅក្នុងតំបន់។

វានឹងបន្ធូរបន្ថយវិបត្តិថាមពលនៅក្នុងប្រទេសអេហ្ស៊ីប ដែលបានចំណាយប្រាក់រាប់ពាន់លានដុល្លារលើការនាំចូលឧស្ម័នធម្មជាតិរាវ ចាប់តាំងពីការផ្គត់ផ្គង់របស់ខ្លួនមានការធ្លាក់ចុះតម្រូវការ។

ផលិតកម្មរបស់ប្រទេសអេហ្ស៊ីប បានចាប់ផ្តើមធ្លាក់ចុះនៅឆ្នាំ២០២២ ដែលបង្ខំឱ្យប្រទេសនេះបោះបង់ចោលមហិច្ឆតារបស់ខ្លួនក្នុងការក្លាយជាមជ្ឈមណ្ឌលផ្គត់ផ្គង់ប្រចាំតំបន់។